آییل، کیملیگینه قوووشدو
آییل، عایله‌سینین سئچدیگی آد تورکجه اولدوغو گرکجه‌سی ایله بیر کیملیک صاحیبی اولما حاقیندان محروم قالمیشدی
1616023
آذربایجان‌لی موسیقیچی سجاد جولانینین قیزی "آییل" کیملیگینه قوووشدو.
اردبیل "ثبت احوال" اداره‌سینین، ۹ آی سونرا آییل آدی ایله اردبیللی کؤرپه‌یه کیملیک وئردیگی بیلدیریلیر.
آییلین آتاسی بو خبری اینستاگرام حسابیندان،
"هر چتینلیگین آرخاسیندا گؤزلیکلر وار. ۹ آی سونرا سونوندا بوتون مانعلره رغماً آییل بالامیزین شناسنامه‌سینی آلدیق. آرزوم بودور آدلاری ایچین شناسنامه‌سیز قالان اوشاقلار دا بو اوغورو قازانسینلار.
یاشاسین اردبیل دووارلاری.
#آییل" مئساژی ایله پایلاشدی.
آییل، عایله‌سینین سئچدیگی آد تورکجه اولدوغو گرکجه‌سی ایله بیر کیملیک صاحیبی اولما حاقیندان محروم قالمیشدی.
بیرلشمیش میلتلر اوشاق حاقلاری سؤزلشمه‌سی‌نین ۷.جی بندینه گؤره،
"اوشاغین دوغومو، دوغومدان همن سونرا ثبت ائدیلیر و او بیر آدینین اولماسی، تابعیت و والدین حمایه‌سی کیمی حاقلارا صاحبدیر".
