اؤزبکیستان و قیرقیزیستان ایلیشکیلری ایله باغلی گؤزل خبرلر گلیر
ایکی قارداش اؤلکه آراسیندا ۲۰۱۳دن بو یانا داوام ائدن بیر سورون داها چؤزولدو
اؤزبکیستان پرزیدنتی شوکت میرضیایئو و قیرقیزیستان پرزیدنتی سادیر جاپارووون گوجلو سیاسی ایرادهسی نتیجهسینده، ایکی قارداش اؤلکه آراسیندا ۲۰۱۳دن بو یانا داوام ائدن بیر سورون داها چؤزولدو.
اؤزبکیستان و قیرقیزیستاندان بیر بیرینین آردینجا گؤزل خبرلر گلمهیه باشلادی.
ایکی اؤلکه آراسیندا دارتیشمالی سرحد سورونونون حل اولونماسی گؤزلری بؤلگهیه چئویردی.
دونن (۱ آوریل ۲۰۲۱) اؤزبکیستانین قیرقیزیستان تورپاقلاریندا قالان بؤلگهسی ساخ، یئنیدن آنا وطنی ایله قورو و هاوا اولاشیمینا تؤرهنله آچیلدی.
آنلاشما چرچیوهسینده ساخ-ریشتان دالانی ایللر سونرا یئنیدن آچیلمیش اولدو.
ایکی اؤلکه مقاملاری ۲۴-۲۵ مارس دانیشیقلاری سونراسی سرحد پروبلئملرینی حل ائتدیکلرینی بیلدیرمیشدی.
کووریدورون آچیلماسی فرغانه درهسی آچیسیندان چوخ اؤنملی. ایکی اؤلکه آراسینداکی پروبلئم سووئتلر دؤنمیندن بری داوام ائدیردی.