تورکوستان، "تورک دونیاسینین معنوی باشکندی" اعلان ائدیلهجک
تورک کنهشی دؤولت باشقانلاری رسمی اولمایان ذیروهسینده تورکوستانا "تورک دونیاسینین معنوی باشکندی" ایستاتوسونون وئریلمهسی پلانلاشدیریلیر
اوچ ایل اؤنجه قازاقیستاندا تورکوستان ایالتینین مرکزی اعلان ائدیلن قدیم تورکوستان شهری، تورک دونیاسینین معنوی و کولتور مرکزی اولاراق یئنیدن دیرچلمکدهدیر.
تخمیناً ۲ مین ایللیک تاریخی اولان تورکوستان ایالتی، قازاق خانلیغینین باشکندی اولدو.
تورک دونیاسینین معنوی لیدئری خوجا احمد یسوینین ده یاشادیغی تورکوستان، عینی زاماندا اورتا آسیاداکی ایسلاملاشمایا خیدمت ائتمیشدیر.
۲ میلیوندان چوخ جمعیتی اولان تورکوستان ایالتی، آوروپا ایله آسیانی بیر بیرینه باغلایان تاریخی ایپک یولو اوستونده یئر آلیر.
عصرلر بویو تاریخی ایپک یولونون معنوی، سیاسی و تیجاری حیاتینین نبضینی توتان تورکوستان، ۱۹۹۱.جی ایلده قازاقیستانین مستقیللیگینی اعلان ائتمهسی ایله یئنیدن دیرچلمهیه باشلادی.
تورکوستان ایالتینین ۱۹ ژوئن ۲۰۱۸ده قوروجو جمهورباشقانی نورسلطان نظربایئوین آلدیغی قرارلا مرکزی بیر ایستاتوس قازاندی.
۳۱ مارس ۲۰۲۱ده تاریخینده گئچیریلهجک تورک کنهشی دؤولت باشقانلاری رسمی اولمایان ذیروهسینده تورکوستانا "تورک دونیاسینین معنوی باشکندی" ایستاتوسونون وئریلمهسی پلانلاشدیریلیر.