یاشار پیری‌نین ساغلیق دورومو یاخشیدیر
عایله‌سی طرفیندن خسته‌خانایا آپاریلان یاشار، بؤیرک یئتمزلیگی و قان قوسماسی ندنی ایله دکترلار طرفیندن خسته‌خانایا یاتیردیلاراق گؤزلم آلتیندا توتولموشدو
اولوسلارآراسی آنادیلی گونونده تبریزده تورکجه اوشاق کیتابی پایلادیغی سیرادا گؤز آلتینا آلینان یاشار پیری‌نین ساغلیق دورومونون یاخشییا دوغرو گئتدیگی بیلدیریلدی.
گؤز آلتینا آلیندیقدان بیر نئچه گون سونرا سربست بوراخیلان پیری‌نین ساغلیق دورومونون پیسلشدیگی بیلدیریلمیشدی.
عایله‌سی طرفیندن خسته‌خانایا آپاریلان یاشار، بؤیرک یئتمزلیگی و قان قوسماسی ندنی ایله دکترلار طرفیندن خسته‌خانایا یاتیردیلاراق گؤزلم آلتیندا توتولموشدو.
سوسیال مئدیادا یاییملانان خبرلره و قارداشی روزبه پیری‌نین وئردیگی بیلگییه گؤره، دفعه‌لرله دیالیز اولان تبریزلی آکتیویستین ساغلیق دورمو یاخشییا گئدیر.
یاشار پیری، اؤز سؤیله‌دیکلرینه استناداً، اسفند آیینین اوچو گونو، هر هانسی بیر بلگه گؤستریلمه‌دن تانیمادیغی مولکی شخصلر طرفیندن یئرده سوروکله‌نیب، آغزینا بیبر گازی سیخیلاراق گؤز آلتینا آلینمیش، داها سونرا دا گؤتورولدوگو یئرده آغیر شکیلده دؤیولموشدور.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
