اؤزبکستان، بعضی اؤلکه وطنداشلارینا ویزاسیز سفر حاقی تانیدی

اؤزبکیستان‌دا توریزمین گلیشدیریلمه‌سی مقصدی ایله ۵ اؤلکه‌نین وطنداشلارینا وئریله‌ن ۱۰ گونلوک ویزاسیز سیاحت حاقی قوه‌یه میندی.

پرزیدنت شؤوکت میرضیایئوین اؤتن آی اؤلکه‌ده توریزمین اینکیشافی ایله باغلی امضالانان قرارنامه ایله قانونیلشن یئنی اویقولامایا گؤره، بحرین، قطر، کویت، عمان و چین وطنداشلاری ۱۰ گون بویونجا اؤلکه‌یه ویزاسیز گئده‌بیله‌جکلر.

سؤزوگئدن اؤلکه‌لرین وطنداشلاری بو حاق‌دان یارارلانماق اوچون اوچونجو بیر اؤلکه‌یه و یا اؤز اؤلکه‌لرینه قاییتماق اوچون آلدیقلاری اوچوش بلیتینی گؤسترمه‌‌لی اولاجاقلار.

قرارلا چین وطنداشلارینین اؤلکه‌ده ۷ گون ویزاسیز قالما حاقی ۱۰ گونه چیخاریلمیش اولدو.

اؤزبکیستان حکومتی، داها اؤنجه توریزمی گلیشدیرمک اوچون آلدیغی قرارلار چرچیوه‌سینده، آرالاریندا تورکیه‌نین ده اولدوغو ۸۶ اؤلکه‌یه بیر آی ایله اوچ آی آراسیندا دییشن سوره‌لرده اؤلکه‌ده ویزاسیز قالما حاقی تانینما تانیمیشدی.