تورک دونیاسینین معنوی باشکندی، 'دونیا میراثی شهرلری' لیستینه گیردی
"گؤی رنگ‌لی گونبزی ایله بوتون دونیانی فتح ائد‌ن تورکوستان‌داکی خوجا احمد یسوی توربه‌سی، آرتیق داها چوخ توریستین ماراق مرکزین‌ده اولاجاق"
تورک دونیاسینین معنوی باشکندی تورکوستان، 'دونیا میراثی شهرلری' لیستینه گیردی.
تورکوستان والی‌لیگی طرفیندن ائدیله‌ن آچیقلامادا، شهرین ۲ آوریل‌ده گرچکلشدیریله‌جک ۱۰.جو اولوسلارآراسی آوراسیا دونیا میراثی شهرلری کنفرانسینا ائو صاحب‌لیگی ائدجگی ایفاده ائدیلدی.
آچیقلامادا قازاخیستانین گونئیین‌ده‌کی و تورک دونیاسینین معنوی باشکندی اولاراق تانینان تورکوستان شهرینین دونیا میراثی شهرلری هؤرگوتونه (OWHC) رسماً عضوو اولدوغو بیلدیریلدی.
شهرین آدی چکیله‌ن هؤرگوته عضو اولماسی ایله ایستاتوسونون یوکسله‌جگی وورغولانان آچیقلامادا،
"گؤی رنگ‌لی گونبزی ایله بوتون دونیانی فتح ائد‌ن تورکوستان‌داکی خوجا احمد یسوی توربه‌سی، آرتیق داها چوخ توریستین ماراق مرکزین‌ده اولاجاق" ایفاده‌سی ایشلدیلدی.
دونیا میراثی شهرلری هؤرگوتو، یونسکو (بیرلشمیش میللتلر تشکیلاتینین تحصیل، بیلیم و مدنیت هؤرگوتو) طرفیندن قوروما آلتینا آلینمیش میراثلارین ایداره‌سینه دایر متودلارین گلیشدیریلمه‌سی و اویغولانماسینا دستک اولونماسی آماجی ایله ۱۹۹۳.جو ایلده مراکشین فس(فاس) شهرین‌ده قورولموشدور.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
