تورک کنه‌شی اؤلکه‌لری ایش بیرلیگی ساحه‌سینی گئنیشلندیریر
تورک شوراسی اؤلکه‌لری، اقتصاد، تیجارت، ساغلیق، تحصیل و توریزم کیمی ساحه‌لرده گلیشدیردیکلری امکداشلیغا انرژی قونوسونو دا علاوه ائدهجکلر
تورک اؤلکه‌لری امکداش‌لیق شوراسی (تورک کنه‌شی) انرژی باخانلاری یارین انرژی ساحه‌سین‌ده امکداش‌لیق اوچون ایلک دفعه بیر آرایا گله‌جکلر.
شورانین یازی‌لی آچیقلاماسینا گؤره تورک شوراسی اؤلکه‌لری، اقتصاد، تیجارت، ساغلیق، تحصیل و توریزم کیمی ساحه‌لرده گلیشدیردیکلری امکداشلیغا انرژی قونوسونو دا علاوه ائدهجکلر.
بو چرچیوه‌ده تورک کنه‌ُشی انرژی باخانلاری یارین ایلک دفعه آنلاین اولاراق بیر آرایا گله‌جکلر.
تورک کنه‌شی دؤنم باشقانی، آذربایجان انرژی باخانی پرویز شاهبازوو ایله تورک کنه‌شی باش یازمانی باغداد آمره‌یئوین آچیلیش دانیشماسینی گرچکلشدیره‌جگی توپلانتیدا تورک شوراسی اؤلکه‌لرینین انرژی ساحه‌سین‌ده آتا بیله‌جکلری اورتاق آددیملار دگرلندیریله‌جک .
توپلانتیدا انرژیده امکداشلیغین گلیشدیریلمه‌سی و چئشیدلندیریلمه‌سی و بؤلگه ایچی انرژی باغلانتی‌لارینین یاخشیلاشدیریلماسینداکی ایمکانلار حاقیندا گؤروش آلیش وئریشی ائدیله‌جک.
اؤته یاندان، تورکیه انرژی و طبیعی قایناقلار باخانی فاتح دؤنمز، قازاقیستان انرژی باخانی نورلان نوگایئو، قیرقیزیستان انرژی و صنایع باخانی کوبانیچ‌بک توردوبایئو، اؤزبکیستان انرژی باخانی علی‌شیر سلطانوو و ماجاریستان یئنیلیک‌چی‌لیک و تکنولوژی باخانلیغی انرژی سیاستیندن سوروملو دؤولت باخانی آتیلا ایشتینر توپلانتیدا دانیشاجاق.
