آنکارادا خوجالی سویقیریمی آنیلدی
«خوجالییا عدالت» اولوسلارآراسی بیلگیلندیرمه فعالیتی چرچیوهسینده تورکیهده تدبیرلر گئچیریلیر
آنکارادا خوجالی سویقیریمینین ۲۹.جو ایلدؤنومونه حصر اولونموش آنما مراسمی گئچیریلدی
حیدر علییئو فوندونون باشقان وکیلی لیلا علییئوانین گیریشیمی ایله حیاتا گئچیریلهن «خوجالییا عدالت!» اولوسلارآراسی بیلگیلندیرمه فعالیتی چرچیوهسینده تورکیهده تدبیرلر گئچیریلیر. بئله تدبیرلردن بیری تورکیهنین آنکارا شهرینین قیزیلجاحامام بؤلگهسینده باش توتدو.
آذربایجانین تورکیهدهکی ائلچیلیگی و قیزیلجاحامام بلدیهسینین بیرگه تشکیلاتچیلیغی ایله گئچیریلهن خاطره تدبیرینده هر ایکی اؤلکهنین رسمی شخصلری، آنکارانین تانینمیش سیمالاری و یئرلی ساکینلر ایشتیراک ائتدیلر.
آذربایجان و تورکیهنین ملی مارشلاری سسلندیریلدیکدن سونرا شهیدلرین عزیز خاطرهسی بیر دقیقهلیک سوکوتلا یاد اولوندو.
توپلانتیدا، آذربایجانین تورکیهدهکی سفیری خزر ابراهیم، تورکیه بؤیوک ملت مجلیسینین عضوو امرالله ایشلر، آنکارا اونیورسیهسینین رئیسی نجدت اونووار و قیزیلجاحامام بلدیهسینین باشقانی سلیمان آجار دانیشدی.
چیخیشلاردا ارمنیستانین آذربایجانا قارشی ایشغالچیلیق سیاستی و مقصدلی شکیلده تؤردیلمیش خوجالی سویقیریمیندان بحث ائدیلدی، خوجالی سویقیریمینین اصل ماهیتنینی هئچ زامان اونودولمایاجاغی بیلدیریلدی.
آنکارادا گئچیریلهن خاطره تدبیرینده خوجالی سویقیریمینی تؤرهدنلر قیناندی، بو بشری جینایتین فاعللرینین جزالاندیریلماسی طلب اولوندو.
چیخیشلاردان سونرا ایشتیراکچیلار خوجالی شهیدلری آنیدینین اؤنونه چیچکلر دوزولدو، قیزیلجاحامامداکی خوجالی آنید-موزهسینی گزیلدی.
ایلگیلیلی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوهسینده دؤولتین مولکیتینه گئچمیشدی