قاقاووز یئری باشقانی: تورکیه‌نین وئردیگی دستک چوخ دگرلی

"تورکیه یؤنتیمی ایله ایلیشکیلریمیز پرزیدنت رجب طیب اردوغان سایه‌سین‌ده چوخ ایستی، صمیمی دوستلوق و قارشی‌لیق‌لی سایغییا دایانیر"

1588328
قاقاووز یئری باشقانی: تورکیه‌نین وئردیگی دستک چوخ دگرلی

قاقاووز اؤزارک یئری باشقانی ایرینا ولاخ، تورکیه‌نین اونلارا وئردیگی دستگین "چوخ دگرلی" اولدوغونو سؤیله‌دی.

"تورکیه یؤنتیمی ایله ایلیشکیلریمیز پرزیدنت رجب طیب اردوغان سایه‌سین‌ده چوخ ایستی، صمیمی دوستلوق و قارشی‌لیق‌لی سایغییا دایانیر" دئدی.

مولداوییه باغلی قاقاوز اؤزارک یئری باشقانی ایرینا ولاخ، اردوغانلا باشکند آنکارادا ائده‌جگی گؤروشمه‌ اؤنجه‌سی ایکیلی ایلیشکیلری دگرلندیردی.

اردوغانلا گؤروشمه‌سینده صنایع اوخولو تیکیم پروژه‌سینی مذاکیره ائده‌‌جکلرینی ایفاده ائد‌ن ولاخ، بو پروژه‌نین مهندسلرین یئتیشدیریلمه‌سینی و بؤلگه‌ده‌کی صنایع ساحه‌سینی گلیشدیره‌جگینی وورغولادی. ولاخ،

"بو باغلام‌دا تورکیه‌نین قاقاووزلارا دستگی قیمت بیچیلمزدیر. تورکیه‌نین دستگینه چوخ دگر وئریریک" دئدی.

تورکیه ایله ایلیشکیلرین داواملی گلیشدیگینی وورغولایان ولاخ،

"تورکیه یؤنتیمی ایله ایلیشکیلریمیز پرزیدنت رجب طیب اردوغان سایه‌سین‌ده چوخ ایستی، صمیمی دوستلوق و قارشی‌لیق‌لی سایغییا دایالیدیر. بونا گؤره ده اونا چوخ مینتداریق. اردوغان و اکیبی ایله چالیشدیغیمیز اوچون سئوینجلیییک. امکداشلیغیمیز نتیجه‌لر وئریر" دگرلندیرمه‌سینی وئردی.

تورک امکداش‌لیق و کووردیناسیون آژانسی باشقانلیغینین (تیکا) مولداوی و قاقاوز اؤزارک یئرین‌ده بیر چوخ پروژه‌نی حیاتا گئچیردیگینه دقت چکن ولاخ، کومرات‌دا اینشا ائدیله‌ن ایدمان مرکزینین آچیلیشینی صبیرسیزلیکله گؤزلدیکلرینی سؤیله‌دی.

ولاخ، یورددیشی تورکلر و قوهوم توپلولوقلار باشقانلیغینین (ی.ت.ب) قاقاووز اؤیرتمنلرینین تعلیمینه دستک وئردیگینی ده بیلدیردی.



ایلگیلی‌لی خبرلر