اردوغان: تورک دونیاسینین بیرلیک و دایانیشماسینین اؤنمینی گؤسترمیشدیر
"عینی دیلی دانیشان، عینی دینه اینانان؛ تاریخی بیر، کولتورو بیر، مدنیتی بیر ۳۰۰ میلیونلوق چوخ بؤیوک بیر عایله اولدوغوموزو بو وسیله ایله بیر داها گؤردوک"
پرزیدنت رجب طیب اردوغان،
"هم داغلیق قاراباغ ساواشی، هم ده پاندمی دؤورون‌ده یاشادیقلاریمیز، تورک دونیاسینین ساوونمادان دیپلوماسییه، ساغلیق‌دان اکین‌چی‌لیگیه، توریزم‌دن انرژییه بوتون ساحه‌لرده بیرلیک، برابرلیک و دایانیشماسینین اؤنمینی گؤسترمیشدیر" دئدی.
اردوغان، جمهورباشقانی یاردیمچیسی فوات اوکتای و آذربایجان باشباخانی علی اسدووون ایشتیراکی ایله گئچیریله‌ن تورک دونیاسی متئورولوژی فورومونا بیر مئساژ گؤندردی.
پرزیدنت اردوغان،
"تورک دونیاسی اولاراق گئری‌ده قویدوغوموز دؤورده یئنی تیپ کوروناویروس سالقینی سببی ایله دوستلاریمیزین، سئودیکلریمیزین ده اولدوغو بیر چوخ اینسانی ایتیرمه آجی‌سینی یاشادیق. آنجاق عینی زامان‌دا ۳۰ ایللیک ایشغال‌دان سونرا داغلیق قاراباغین یئنیدن انا وطن ایله قوجاقلاشماسینین سئوینجینی ده اورکلریمیزده حس ائتدیک" دئدی.
آذربایجان‌لیلاری، ۴۴ گون داوام ائد‌ن حماسی مباریزه‌لری ایله بؤیوک بیر ظفرلره چاتدیقلاری اوچون تبریک ائد‌ن اردوغان بئله داوام ائتدی:
"هم داغلیق قاراباغ ساواشی، هم ده پاندمی دؤورون‌ده یاشادیقلاریمیز، تورک دونیاسینین ساوونمادان دیپلوماسییه، ساغلیق‌دان اکین‌چی‌لیگیه، توریزم‌دن انرژییه بوتون ساحه‌لرده بیرلیک، برابرلیک و دایانیشماسینین اؤنمینی گؤسترمیشدیر.
عینی دیلی دانیشان، عینی دینه اینانان؛ تاریخی بیر، کولتورو بیر، مدنیتی بیر ۳۰۰ میلیونلوق چوخ بؤیوک بیر عایله اولدوغوموزو بو وسیله ایله بیر داها گؤردوک.
عائله عضولری اولاراق قارشی‌داکی دؤورده اساس مسئولیتیمیز بو باغلاری گوجله‌ندیرمک، آرامیزداکی امکداش‌لیغی داها دا آرتیرماق اولمالی‌دیر.
'تورک دونیاسی متئورولوژی بیرلیگی' قورولماسی دوشونجه‌سینین بو یولدا آتیلمیش دگرلی بیر آددیم اولدوغونو دوشونورم".
ایلگیلی‌لی خبرلر
قیرقیزیستاندا مافیا ماللاری ساتیشا چیخاریلدی
ساتیلان املاک، متشکیل سوچلار و فسادلا موباریزه چرچیوه‌سینده دؤولتین مولکیتینه گئچمیشدی
