آذربایجان ملت وکیلیندن ایران‌لی دوستاقلارلا باغلی تکلیف
آذربایجانین تحویل وئردیگی دوستاقلار ایران‌دا سربست بوراخیلدیغی اوچون یئنی‌دن عینی عملی تکرارلاییرلار
آذربایجان ملت وکیلیندن ایران‌لی دوستاقلارلا باغلی تکلیف
آذربایجان ملی مجلسی ملت وکیلی عاقیل عباس آذربایجانا اویوشدوروجو ماده گتیررکه‌ن یاخالانیب توتوقلانان ایران وطنداشلاری ایله باغلی تکلیف وئردی.
آذربایجان مطبوعاتیندا چیخان خبرلره گؤره، ملت وکیلی، "قاچاقچیلیقلا باغلی حبس ائدیلن ایران وطنداشلارینین بیر چوخو ایلک دفعه توتوقلانیب ایرانا قایتاریلدیقدان سونرا، یئنی‌دن آذربایجان سرحدلریندن اویوشدوروجو قاچاقچی‌لیغینا گؤره حبس اولونور" دئدی.
عباس دؤولت سرحد خیدمتی و گؤمروک کمیته‌سینین چوخ یوکسک سویه‌ده چالیشدیغینی، مخدر ماده‌لرین قاچاق‌چیلاری ایله مباریزه‌ده سرحدچیلرین حیاتینی ایتیردیگینی ده وورغولادی..
ملت وکیلینین سؤزلرینه گؤره، آذربایجانین تحویل وئردیگی دوستاقلار ایران‌دا سربست بوراخیلدیغی اوچون یئنی‌دن عینی عملی تکرارلاییرلار. بو سبب‌دن عباس، مسئله ایله باغلی ایران طرفی ایله دانیشماق لازیم اولدوغونو، "یا ایران طرفی قایتاریلان محکوملاری سربست بوراخماسین، یا دا بورادا ایکینجی دفعه عینی اتهاملا ساخلانیلانلار ایرانا تحویل وئریلمه‌سین، جزالارینی بورادا چکسینلر" شکلینده بیر تکلیف وئردی.
ایلگیلی‌لی خبرلر
آذربایجان باشباخانی تورکیه‌ده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیله‌جک
