آذربایجانلی آکتیویسته بیر ایل حبس جزاسی
سالار طاهر افشار گئچن تیر آییندا اورمیهده تشکیل اولان اعتراضلار سیراسیندا گؤزآلتینا آلینمیش، 5 گون سونرا موقتی اولاراق سربست بوراخیلمیشدی
آذربایجانلی آکتیویست سالار طاهر افشار، باتی آذربایجان تجدید نظر محکمهسی طرفیندن بیر ایل تعزیری حبسه محکوم ائدیلدی.
ایراندا انسان حاقلاری آکتیویستلری خبر ارگانی، هرانانین خبرینه گؤره، طاهر افشار داها اؤنجه اورمیه انقلاب محکمهسی طرفیندن 4 ایل حبسه محکوم ائدیلمیشدی.
طاهر افشار گئچن تیر آییندا اورمیهده تشکیل اولان اعتراضلار سیراسیندا گؤزآلتینا آلینمیش، 5 گون سونرا موقتی اولاراق سربست بوراخیلمیشدی.
تورک آکتیویست، تجدید نظر محکمهسینده یاسادیشی میتینگ تشکیل ائتمه گیریشیمیندن تبرئه ائدیلدی، نظاما قارشی تبلیغ سوچوندان ایسه بیر ایل حبس جزاسینا محکوم ائدیلدی.
طاهر افشارین داها اؤنجه ده دینج فعالیتلری سببی ایله گؤز آلتینا آلیندیغی و توتوقلاندیغی بیلدیریلیر.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی