مولود چاووش اوغلو قوزیی قیبریس تورک جمهوریتینده سفرده دیر
خاریجی ایشلر ناظیری مولود چاووش اوغلو قوزیی قیبریس تورک جمهوریتینده گؤروشلر کئچیریر.
قوزیی قیبریس تورک جمهوریتینه ایکی گونلوک ایشگوزار سفر ائدن خاریجی ایشلر ناظیری مولود چاووش اوغلو جمهوریت مجلیسینین صدری اؤندر سناراوغلو و باش ناظیر ارسان سانر طرفیندن آیری-آیریلیقدا قبول ائدیلیب.
ناظیر چاووش اوغلو اولجه جمهوریت مجلیسینده مجلیس صدری سناراوغلو ایله گؤروش کئچیریب.
چاووش اوغلو قیبریس مسئله سینده بمت-نین تورکیه-نین تکلیفیله 5+1 رسمی اولمایان گؤروشونو خاطیرلاداراق دانیشیقلاری سرعتلندیردیگینی، "قیبریس تورک خالقینین ماراقلاری بارهده بو موذاکیره سوره جینده هانسی توتوملاری اورتایا قویاجاغیمیزی و آدیملاری آتابیلهجگیمیزی بورادا باشدا قوزیی قیبریس تورک جمهوریتی پرزیدنتی ارسین تاتار اولماقلا خاریجی ایشلر ناظیری تاحسن ارطغرل اوغلو و دانیشیقلار قروپونداکی دیگر دوستلارلا بیرلیکده قیمتلندیرجییک" دئییب.
سناراوغلو دا اؤز نؤوبهسینده دئییب کی، تورکیهمیزین تأثیرلی و فعال ضمانتی، بیزی احتیمال اولونان حل سوره جینده خوشبخت ائدهجکدیر و بو، بیزیم اولمازسا اولمازیمیز و قیرمیزی خطیمیزدیر.
چاووش اوغلو باش ناظیر سانرله گؤروشونده ایسه، یئنی نوع کوروناویروس ایله موباریزهدکی اوغورلاری اوچون تبریک ائدهرک، " قارشیداکی پروسه ده بورادا آشی وورولماسی لازیم گلن هر کسین آشی لاماسی اوچون کیفایت قدر آشی تورکیه-یه گلدیکجه گؤندرجییک. قیبریس تورکلرینی بو معنادا تک قویمایاجاغیق" دئییب.
مولود چاووش اوغلو قوزیی قیبریس تورک جمهوریتینین خاریجی ایشلر ناظیری تاحسین ارطغرل اوغلو ایله ده گؤروش کئچیریب.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک