تورکیه و آذربایجان وطنداشلارینین ویزاسیز قارشیلیقلی سفرینه دایر سند اونایلاندی
تورکیهیه سیاحت ائدن آذربایجان وطنداشلاری اوچون ویزا معافیتی چرچیوهسینده لازم اولان سرحدگئچمه سندلرینین لیستی آچیقلاندی
پرزیدنت رجب طیب اردوغان «آذربایجان حکومتی ایله تورکیه حکومتی آراسیندا قارشیلیقلی اولاراق ویزا معافیتی حاقیندا ۲۵ فوریه ۲۰۲ تاریخینده باکی شهرینده ایمضالانمیش آنلاشمادا دییشیکلیکلر ائدیلمهسی اوچون آذربایجان جمهوریتی حکومتی ایله تورکیه جمهوریتی حکومتی آراسیندا ۱ ساییلی پروتوکول»و اونایلادی.
«رسمی قازئته»ده یاییملانان سندده تورکیهیه سیاحت ائدن آذربایجان وطنداشلاری اوچون ویزا معافیتی چرچیوهسینده لازم اولان سرحدگئچمه سندلرینین لیستی آچیقلاندی.
لیستهده آذربایجان جمهوریتینین دیپلوماتیک پاسپورتو، آذربایجان جمهوریتینین خیدمت پاسپورتو، آذربایجان جمهوریتینین عمومی پاسپورتو، آذربایجان جمهوریتی وطنداشینین کیملیک کارتی، آذربایجان جمهوریتی دنیزچیلرینین کیملیک کارتی، دمیریولو نقلیاتی ایشچیلرینین کیملیک کارتی، اوچوش کادرینین کیملیک کارتی، آذربایجان جمهوریتینین وطنداشی اوچون وئریلمیش رسمی آذربایجان جمهوریتینین قاییدیش تصدیقنامهسی (آذربایجان جمهوریتینا قاییتماق اوچون تورکیه جمهوریتینده یالنیز موقتی قالماق، اورادان ترانزیت گئچمک و چیخماق اوچون) وار.