آذربایجان و تورکمنیستاندان "دوستلوق" آنلاشماسی
آذربایجان پرزیدنتی ایلهام علییئو و تورکمنیستان پرزیدنتی قوربانقولو بردیمحمدوو ویدیو کنفرانس یولو ایله ایمضا تؤرهنینه قاتیلدی
آذربایجان و تورکمنیستان خزر دنیزینده یئر آلان و "دوستلوق" آدلی نفت یاتاغینین اورتاق ایشلهدیلمهسی قونوسوندا آنلاشدی.
آذربایجان خاریجی ایشلر باخانی جیحون بایراموو، تورکمنیستاندا قونومداشی راشیت مَرَدوو ایله گؤروشرک، "دوستلوق" نفت یاتاغیندا کشفلرین، ایشلهتمهنین و قوللانمیمین ایکی اؤلکه طرفیندن اورتاق حیاتا گئچیریلمهسی قونوسوندا آنلاشما ایمضالادی.
آذربایجان پرزیدنتی ایلهام علییئو و تورکمنیستان پرزیدنتی قوربانقولو بردیمحمدوو دا ویدیو کنفرانس یولو ایله ایمضا تؤرهنینه قاتیلدی.
تورکمنیستاندا "سردار" و آذربایجاندا "کپز" اولاراف بیلینن یاتاغین هانسی اؤلکهیه عاید اولدوغو و نئجه ایشلهدیلهجگی مسئلهسی ایللردیر ایکی اؤلکه آراسیندا دیپلوماتیک پروبلئملره سبب اولوردو.
خزرده، آذربایجان و تورکمنیستانا عاید ساحهلرین تام اورتاسیندا یئرلشهن یاتاغین تقریباً ۶۰ میلیون تن نفت رزروینه صاحب اولدوغو تخمین ائدیلیر.