۲ آذربایجان‌لی آکتیویسته حبس و قیرباج جزاسی وئریلدی
میثم جولانی و علی خیرجو مهر آیینین اونوندا، اردبیلین جیرال پارکیندا قاراباغین قورتاریلماسینا دستک آماجی ایله توپلانان گروه ایله بیرلیکده ائولرینده گؤزآلتینا آلینمیشدی
1562157
آذربایجان‌لی آکتیویست‌لر میثم جولانی و علی خیرجویا، اردبیل محکمه‌سی طرفیندن توپلام ۸ آی تعزیری حبس و ۴۰ ضربه قیرباج جزاسی وئریلدی. جولانی و خیرجو آذر آیینین اون بیرینده محکمه‌یه چیخاردیلمیشدی.
ایران‌دا انسان حاقلاری آکتیوستلری خبر ارگانی-هرانایا گؤره، آدی گئچن آکتیویستلرین هر بیرینه عمومی دینجلیک و دوزه‌‌نی پوزما سوچوندان ۴ آی تعزیری حبس و ۲۰ ضربه قامچی جزاسی وئریلدی.
میثم جولانی و علی خیرجو مهر آیینین اونوندا، اردبیلین جیرال پارکیندا قاراباغین قورتاریلماسینا دستک آماجی ایله توپلانان بیر گروه ایله برابر ائولرینده گؤزآلتینا آلینمیشدی.
