لطیف حسنینین حبس جزاسی 6 ایله دوشدو
حسنینین جزاسی، ۸ ایله یاخین حبس چکدیکدن سونرا 6 ایله دوشدو
1561180
دوغو آذربایجان محکمهسی سیاسی محبوس لطیف حسنینین حبس مدتینین ۹ ایلدن ۶ ایله دوشومهسینه حکم ائتدی.
محکمهنین حکمونه گؤره، ۷ ایلدن اوزون زاماندیر حبسده اولان حسنیننین حبس سورهسی ۹ ایلدن ۶ ایل ۸ آیا دوشدو.
بونا گؤره، لطیف حسنینین،"اؤلکه گوونلیگینی پوزماق مقصدی ایله یاسادیشی گروه قورماق" سوچوندان آلدیغی ۸ ایل حبس جزاسی ۶ ایله؛ "نظام علیهینه تبلیغات" سوچوندان آلدیغی ۱ ایللیک جزا ایسه ۸ آیا دوشدو.
یئرلی سیتهلرده یئر آلان خبرلره گؤره، حسنینین وکیلی بو حکمه اساساً موکیلینین ۷ ایلدن آرتیق حبسدن سونرا سربست بوراخیلاجاغینی سؤیلهدی.
لطیف حسنی، ایلک اولاراق ۱۳۹۱ ایلینین سون آیلاریندا گؤزآلتینا آلینمیشدی. تبریز حبسخاناسیندا توتولان حسنی، ۱۳۹۳ ایلینده ۵۰ گونه یاخین اعتصابدان سونرا اونجه اوین سونرا دا رجایی شهر حبس خاناسینا گؤندریلمیشدی.