زنجان‌دا ۳۶۰۰ ایشچی کوروناویروسا یولوخدو
"ایشچیلرین ماسک تاخماسی مجبوری حالا گتیریلدی"
1560413
زنجان استانی تعاون، ایش و توپلومسال رفاه اداره‌سی باش مودورو، زنجان استانیندا ۳ مین ۶۰۰ ایشچینین کروناویروسا یولوخدوغونو بیلدیردی.
زنجان استانی تعاون، ایش و توپلومسال رفاه اداره‌سی باش مودورو محمدرضا یوسفی، ایندییه دک ۳ مین ۶۰۰ ایشچینین کورونایا یولوخدوغونو، یولوخانلارین چوخونون زنجان و ابهرده اولدوغونو بیلدیردی.
یوسفی، کوروناویروسون یاییلماسی ایله اورتیم بیریمینده چالیشان ایشچیلرین ده یولوخما تهلوکه‌سی ایله قارشی قارشییا اولدوغونو بیلدیررک،
"ایشچیلرین ساغلیق دورومونو گؤزتله‌مک آماجی ایله تولید بیریملرینده داواملی کنتروللارین حیاتا گئچیریلمه‌سی گوندمده، ایشچیلرین ماسک تاخماسی دا مجبوری حالا گتیریلدی" دئدی.
