تومریس فیلمینین اویونچوسوندان فارسجا پایلاشیم
تومریس خاتون کاراکترینی جانلاندیران اویونچو اوزون سورهدیر اینستاگرام اوزریندن بیر گروه ایرانلینین حقارت ایچریکلی یازیلی سالدیریلارینا معروض قالیر
بیر گروه ایرانلی، قازاقیستاندا چئکیلن تومریس فیلمینین تومریس خاتون کاراکترینی جانلاندیران اویونچوسو آلمیرا تورسینین اینستاگرام صحیفهسینه گیررک حقارت ایچریکلی یوروملار یازدی.
تاریخده بیلینن ایلک تورک قادین حؤکومدار و ساخا تورکلرینین افسانه اؤندری تورمریسین یاشامینی قونو آلان فیلم، ۲۰۱۹دا قازاقیستاندا چئکیلدی. هخامنش شاهی کوروش و اوردوسونو مغلوب ائدن تومریس خاتونو بو فیلمده یئتهنکلی اویونچو آلمیرا دورسین جانلاندیریر. آلمیرا بوندان دولایی اوزون سورهدیر اینستاگرام اوزریندن بیر گروه ایرانلینین حقارت ایچریکلی یازیلی سالدیریلارینا معروض قالیر.
حقارتلرین اؤلچوسو قاچینجا اویونچو تورسین، اینستاگرام صحیفهسیندن فارسجا بیر آچیقلاما یاییملاماق مجبوریتینده قالدی. آلمیرا آچیقلاماسیندا:
"ایرانلیلاردان چوخ ساییدا مکتوب آلیرام. من سیزین، فیلم حاقیندا گؤروش و تپکیلرینیزی آنلاییرام. آنجاق لطفاً گرچک یاشام و سینما قاوراملارینی بیر بیریندن آییرد ائدین! بو منیم فیلمدهکی رولومدور. گرچک حیاتدا من اؤلکه، تاریخ، یورد سئوگیسی و وطن سئورلیک دویغوسونا سایغی دویارام".
آلمیرا، داها سونرا فیلمدن صحنهلر پایلاشاراق، تورکلره ده گؤندردیکلری چوخ ساییدا صمیمی دستک مکتوبو اوچون تشکر ائتدی.