آذربایجان پرزیدنتی ایلهام علی یئوین ائرمنیستانا داغلیق قاراباغلا باغلی خبردارلیغی
آذربایجان پرزیدنتی ایلهام علی یئو 2020-جی ایلین یئکونلارینا حصر اولونموش مشاوره ده کی گیریش نیطقینده داغلیق قاراباغا قانونسوز سفرلردن دانیشیب.
هئچ بیر خاریجی وطنداش بیزیم ایجازهمیز اولمادان او اراضییه گئده بیلمز. هئچ بیر اولوسلار آراسی تشکیلات، - آنجاق قیرمیزی خاچ استثنا اولماقلا، - اورایا گئده بیلمز. بو، بیزیم اراضیمیزدیر. بوتون دونیا بو اراضینی آذربایجانین آیریلماز حیسهسی کیمی تانیییر.
بو فیکیرلری آذربایجان پرزیدنتی ایلهام علی یئو 2020-جی ایلین یئکونلارینا حصر اولونموش مشاوره ده کی گیریش نیطقینده داغلیق قاراباغا قانونسوز سفرلردن دانیشارکن سؤیلهییب.
"ائرمنیستانین خاریجی ایشلر ناظیری، سن کیمسن کی، اورایا گئدیرسن؟ خبردارلیق ائدیریک. اگر بونا اوخشار آدیم تکرارلانارسا، بیزیم جاوابیمیز چوخ سرت اولاجاق. ائله بیرینجی دفعه بیز خاریجی ایشلر ناظیرلیگی واسیطهسیله اونلارا خبردارلیق ائتدیک. اوندان سونرا خبردارلیق باشقا جور وئریلهجک. اونلارین آیاغی اورادان کسیلمهلیدیر. اوتورسون اؤز اؤلکهسینده"، - دئیه دؤولت باشچیسی وورغولاییب.
پرزیدنت ایلهام علی یئو "اورایا موختلیف اؤلکهلرین پارلامئنتلرینین نمایندهلری گئدیردیلر، ایندی گؤروم نئجه گئدیرلر. فرانسادان بیر هئیت گئتمیشدی، پارلامئنت عضولری. افسوسلار اولسون کی، باریش مراملی قوهلر اونلارا بو ایجازنی وئرمیشدیلر. حالبوکی، بیز بو باریش مراملی قوهلر قارشیسیندا مسئله قویموشدوق کی، بیزیم ایجازهمیز اولمادان هئچ بیر خاریجی وطنداش داغلیق قاراباغا گئده بیلمز. نتیجهده فرانسا سفیری بیزیم خاریجی ایشلر ناظیرلیگینه چاغیریلدی، نوتا وئریلدی. بیز سسسیز قالمایاجاغیق" دئیه قئید ائدیب.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک