عبدالله ارن: قیبریسلی تورکلرین مباریزه‌سینین داها یاخشی بیلینمه‌سی اوچون چالیشیریق
"قوزئی قیبریس تورک جمهوریتی و اورداکی تورکلرین مبارزه‌‌سینین ده دونیایا اعلان ائدیلمه‌سی اوچون، ائییتیم، مد‌نیت و سوسیال ساحه‌لرده فعالیتلر حیاتا گئچیرمه‌یه چالیشیریق"
یورددیشی تورکلر و قوهوم توپلولوقلار (ی.ت.ب) باشقانی عبدالله ارن، قیبریسلی تورکلرین و ایکی دؤولت‌لی بیر چؤزوم اوغرون‌دا مباریزه‌نین دونیادا داها یاخشی بیلینمه‌سی و تانینماسی اوچون ی.ت.ب'نین قاتقیلارینی داوام ائتدیرجگینی سؤیله‌دی.
ارن، ی.ت.ب طرفین‌دن آنلاین اولاراق تشکیل ائدیله‌ن "قیبریسدا بیرلشمیش میللتلر تشکیلاتی بنیه‌سینده ایکی دؤولت‌لی حل یولو تکلیفی" باشلیقلی پانئلده دانیشدی.
ی.ت.ب‌نین ۲۰۱۰-جو ایلده‌ن بو یانا تورک دیاسپورو اوچون اؤنملی فعالیتلر یئریتدیگینه دقت چکه‌ن ارن،
"تخمیناً ۴۰ ایلدن چوخ بیر زاماندیر تورکیه‌نین یاخین ایلگیسی ایله، اولوسلارآراسی صحنه‌ده گونده‌مه گتیرمه‌یه چالیشدیغی قوزئی قیبریس تورک جمهوریتی و اورداکی تورکلرین مبارزه‌‌سینین ده دونیایا اعلان ائدیلمه‌سی اوچون، ائییتیم، مد‌نیت و سوسیال ساحه‌لرده فعالیتلر حیاتا گئچیرمه‌یه چالیشیریق" دئدی.
ارن، بو باخیمدان ساده‌جه۲۰۲۰ده قوزئی قیبریسدان ۹۲ اؤیرنجییه بورس وئریلدیگینی، قیبریسدا مین‌دن چوخ اؤیرنجینین تورکیه‌ده‌کی اونیوئرسیته‌لرده تحصیل آلدیغینی و مدنی تشکیلاتلار ایله توپلومون هر کسیمینه اولاشماغا چالیشدیقلارینی سؤیله‌دی.
قیبریسین عینی زاماندا اؤزللیکله اینگیلتره‌ده اولماقلا چوخ اؤنملی بیر دیاسپوراسی اولدوغونو دیله گتیره‌ن ارن، ی.ت.ب‌نین اینگیلتره‌ده یاشایان قیبریسلی تورک گنجلری "وطنینله تانیش" پروژه‌سی ایله ایلک دفعه قوزئی قیبریس تورک جمهوریتینی گؤرمک اوچون آنا وطنلرینه گتیردیکلرینی، سالقیندان سونرا بو پروژه‌نی داوام ائتدیره‌جکلرینی بیلدیردی.
ارن،
"بوتون بو فعالیتلری حیاتا گئچیررکه‌ن اونوتمادیغیمیز بیر شئی وار، او دا قیبریسلی تورکلرین وئردیگی مبارزه‌نی دونیایا داها یاخشی بیلینمه‌سی، تانینماسی و قیبریسلی تورکلرین عایدیتلرینین گلیشمه‌سینه بیزیم وئره‌جگیمیز محتمل قاتقیلار. بو معنادا ۲۰۲۱ده ده قیبریسدا چئشیدلی فعالیتلر حیاتا گئچیرمه‌یی پلانلاشدیریریق" دئدی.
پانئل ویدئو مئساژ گؤندره‌ن قوزئی قیبریس تورک جمهوریتی جمهور باشقانی ارسین تاتار ایسه، قیبریسلی تورکلرین اؤز تورپاقلاریندا تورکیه ایله امکداشلیق ایچریسینده باغیمسیز بیر جمهوریت اولاراق یاشاماق ایسته‌دیکلرینی بیلدیردی.
