خوجالی عصرین سینهسینده بؤیوک بیر یارادیر...
آذربایجانین داغلیق قاراباغ ویلایتینین ان قدیم مسکنلریندن بیری - خوجالی
آذربایجانین داغلیق قاراباغ ویلایتینین ان قدیم مسکنلریندن بیری - خوجالی
آذربایجانین قاراباغین ان قدیم اینسان مسکنلریندن بیری اولان خوجالی خانکندی شهریندن 14 کیلومتر قوزیی- دوغودا یئرلشیر.
1992 -جی ایلین قانلی فاجعهسینه کیمی خوجالی-دا 7 مین اهالی یاشاییردی. معلوم حادثهلر دؤورونده ارمنیستاندان، قونشو خانکندیندن ارمنیلر طرفیندن دیدرگین سالینمیش خیلی آذربایجانلی و 1989-جو ایلده فرقانهدن قووولموش آخیسقا تورکلری ده مسکونلاشمیشدیلار.
1992 -جی ایل فوریه نین 25-دن 26-سینا کئچن گئجه ارمنی سلاحلی دستهلری خانکندی شهرینده یئرلشدیریلمیش کئچمیش سسری-نین 366-جی حربی آلایینین کمکی ایله سلاحسیز و کؤمکسیز خوجالی شهرینه هوجوم ائتمیشلر. اولجه شهر دؤرد طرفدن ارمنی قوشونلاری طرفیندن احاته اولونموش، سونرا ایسه خوجالی-یا توپ و آغیر حربی تکنیکادان گوجلو و آمانسیز آتش آچیلمیش، آز بیر واخت عرضینده شهرده یانغین باش وئرمیش، شهر تامامیله آلووا بورونموشدور. شهرین مودافعه چیلری و یئرلی اهالی بورانی ترک ائتمهیه مجبور اولموشلار. فوریه نین 26-سی سحر ساعات 5-ا کیمی شهر ارمنی ایشغالچیلاری طرفیندن ضبط ائدیلمیشدیر.
بیر گئجهنین ایچریسینده قدیم خوجالی یئرله یکسان ائدیلمیشدیر.
شهری ترک ائتمهیه مجبور اولان اهالی داغلارا، مئشهلره قاچمیشدیر. هر طرفده سلاحلی ارمنیلر سیویل اهالینی گولللییر، اونلارا آمانسیز دیوان توتموشدولار. بئلهلیکله، سویوق، قارلی فوریه گئجهسینده نه قدر قیز-گلین اسیر دوشدو، گیروو اولدولار. نه قدر اینسان ارمنی سلاحیندان یایینیب مئشهلره، داغلارا قاچسالار دا اونلارین چوخو سویوقدان، شاختادان محو اولدولار…
جینایتکار ارمنی قوشونلارینین وحشیلیگی نتیجهسینده خوجالی اهالیسیندن 613 نفر اؤلدورولموش، 487 نفر شیکست اولموش، 1275 نفر سیویل - قوجالار، اوشاقلار، قادینلار اسیر گؤتورولهرک آغلاسیغماز ارمنی ظلمونه، تحقیر و حقارتلرینه معروض قالمیشلار. 150 نفرین تالعی هله ده معلوم دئییلدیر.
بو اصل سوی قیریم ایدی. خوجالی-دا اؤلدورولموش 613 نفردن 106 نفری قادین، 63 نفری اوشاق، 70 نفری قوجا اینسانلار اولموشلار.
خوجالی فاجعهسینده 8 عائله بوتؤولوکده محو ائدیلمیش، 24 اوشاق هر ایکی والدینینی، 130 اوشاق ایسه والدینلریندن بیرینی ایتیرمیشدیر.
بو جینایتده 56 نفر خصوصی قددارلیقلا و آمانسیزلیقلا قتله یئتیرلیمیشدیر. اونلار دیری-دیری یاندیریلمیش، باشلاری کسیلمیش، اوزلرینین دریسی سویولموش، کؤرپه اوشاقلارین گؤزلری چیخاریلمیش، سونگو ایله هامیله قادینلارین قارینلاری یاریلمیشدیر. ارمنیلر حتی جسدلری ده تحقیر ائتمیشلر…
آذربایجان خالقی و اونون دؤولتی خوجالی فاجعهسینی هئچ واخت اونوتمور و اونوتمایاجاقدیر.
آذربایجان جمهوریتی نین پرزیدنتی حیدر علی یئو 1 مارس 1994-جو ایلده بو حاقدا خصوصی فرمان وئرمیشدیر. آذربایجان جمهوریتینین میللی مجلیسینین قراری ایله 26 فوریه "خوجالی سوی قیریمی و میللی ماتم گونو" اعلان اولونموش، بو بارهده بوتون اولوسلار آراسی تشکیلاتلارا معلومات وئریلمیشدیر.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک