گونئی آذربایجان‌دا زلزله

زلزله گونئی آذربایجان شهرلرینی تیترتدی.

بو گون سحر ساعات ۲:۱۷ده ۵.۹ بؤیوکلویونده بیر دئپرم، گونئی آذربایجانین هارداسا هر یئرینی تیترتدی.

تهران اونیوئرسیته‌سی سیسمولوژی مرکزی، زلزله‌‌ مرکزینین ترک شهری و یئرین ۸ کیلومتره درینلیگینده اولدوغونو بیلدیردی.

ایران رادیو تلویزیون قورومونون وئردیگی بیلگیلره گؤره، زلزله سببی ایله بو آنا قدر ۵ نفر حیاتینی ایتیردی، ۳۳۲ نفر ایسه یارالاندی.

زلزله‌نین تبریز، اورمیه، زنجان و اردبیل کیمی بؤیوک شهرلرده ده حس ائدیلدیگی بیلدیریلیر.

تسنیم خبر آژانسینین وئردیگی سون بیلگیلرده ایسه ۶ نفرین حیاتینی ایتیردیگی و ۳۴۵ نفرین زارالاندیغی بیلدیریلیر.