آذربایجاندا یایلاق فستیوالی
دده قورقودون قوناقلاری سلاملاماسی ایله باشلایان تدبیرده دمیر دؤیمه مراسیمی گئچیریلدی
آذربایجانین گئدهبی بؤلگهسینده دونن باشلایان میللی یایلاق فستیوالی جوشغولو و رنگلی گؤرونتولره صحنه اولدو.
تورک امکداشلیق و کووردیناسیونا آژانسی باشقانلیغینین (تیکا) اؤنچولوگونده جاواد خان تاریخ و مدنیت وقفی ایله گئدهبی والیلیگینین دوزیورد-میسکینلی یایلاغیندا تشکیل ائتدیگی فستیوالین آچیلیشیندا آذربایجانلا یاناشی، دونیانین ۱۶ اؤلکهسیندن مینلرجه اینسان قاتیلدی.
آذربایجاندا ایلک دفعه گئچیریلهن فستیوالدا چوخ بؤیوک قاتیلیم اولدو.
دونیا ائتنواسپور کنفدراسیونو باشقانی بلال اردوغانین شرف قوناغی اولدوغو فستیوالین آچیلیشیندا، تمثیلی دده قورقودون قوناقلاری سلاملاماسی ایله باشلایان تدبیرده دمیر دؤیمه مراسیمی گئچیریلدی، فستیوال ساحهسینده قورولان ائتنو قصبهده صنتکارلار گوشهسی و بازار یئری گزیلدی.
دانیشمالارین آردیندان آذربایجانلی آتلیلارین قاراباغ آتلاری ایله ائتدیگی آکروباسی گؤستریسی چوخ بگهنیلدی.
آتلیلارین گؤسترینین سونوندا آذربایجان و تورکییه بایراقلاری ایله تور آتماسی دعوتلیلردن بؤیوک آلقیش آلدی.
آذربایجانلی گلهنکسل خالق صنعتچیلرینین موسیقی گؤستریلری ایله داوام ائدن تدبیرده تورکییه و قیرقیزیستانلی اوخچولارین گؤستریلرینه ده دعوتلیلر ماراق گؤستردی.
تدبیرده بلال اردوغان دا اوخ آتدی. هدفه ووران اردوغان، ایزلهییجیلردن بؤیوک آلقیش آلدی.
تدبیرین آچیلیشی، یئتکیلیلرین فستیوال تونقالینی یاندیرماسی ایله باشا چاتدی.
فستیوال یارین سونا چاتاجاق.
ایلگیلیلی خبرلر
آذربایجاندان فرانسایا اویاری
"فرانسانین قارالاما کمپینلری، اویغونسوز آچیقلامالاری و تخریباتلاری جاوابسیز قالمایاجاق"