بیشکئکین قورولوش ایلدؤنومو قوتلاندی
یشکئک آدی، تورکوستاندان چینه اوزانان ایپک یولو اوزرینده قیرقیز قبیلهلرین اؤز تورپاقلارینا دؤنمهسینی تامین ائدن بیر قیرقیز قهرمانینا عاید
قیرقیزیستانین تانری داغلارینین اتییندهکی، بیر میلیون اهالیسی اولان باشکندی بیشکئکین قورولوشونون ۱۴۱.جو ایلدؤنومو تشکیل ائدیلهن فعالیتلرله قوتلاندی.
شهرین، سووئتلر بیرلیگی دؤورونده "فرونزه" آدینی داشییان و قیرقیز خالقین مستقیللیینه قوووشدوغو ۱۹۹۱.جی ایلده "بیشکئک" اولاراق دییشدیریلهن آدی، تورکوستاندان چینه اوزانان ایپک یولو اوزرینده قیرقیز قبیلهلرین اؤز تورپاقلارینا دؤنمهسینی تامین ائدن بیر قیرقیز قهرمانینا عاید.
قورولوش ایلدؤنومو قوتلامالاری چرچیوهسینده ایکی گون بویونجا چئشیدلی ائلچهلرده کونسرتلر، رقص گؤستریلری، سرگیلر و ایدمان یاریشمالاری تشکیل ائدیلرکن، قوتلامالارین سون گونونده شهرین آنا میدانی آلاتوودا یئرلی و خاریجی سس صنعتچیلرینین ایشتیراکی ایله تشکیل ائدیلن کونسرتده، بیشکئک بلدیهسی سمفونی اورکسترینین سسلندیردیگی کلاسیک موسیقیلرله داوام ائتدی.
کونسرته بیشکئک بلدیه باشقانی عزیز سوراکماتوو، شهر مجلیسی عضولری، بوروکراتلار و شهرین اسکی بلدیه باشقانلاری قاتیلدی. اؤزبکیستاندا مشهور موغنی فروخ ذاکیروو و اؤزبکیستان دوغوملو روسیانین مشهور موغنیلریندن سوگدیانا صحنهیه چیخدی.
خالقدان و توریستلردن بؤیوک ماراق گؤرهن کونسرت، هاوایا آتیلان رنگلی فیشک گؤستریسی ایله سونا چاتدی.
ایلگیلیلی خبرلر
آذربایجان باشباخانی تورکیهده
آذربایجان باشباخانی، جمهورباشقانی رجب طیب اردوغان طرفیندن ده قبول ائدیلهجک