نظربایئو: خالقیمین اؤنونده سایغییلا اییلیرم
"هدفیمی، حاکمیته، اؤلکه‌ده آپاریلان دییشیک‌لیکلری داوام ائتدیره‌جک یئنی نسیل بیر یؤنتیجینین گلمه‌سینی تامین ائتمک کیمی گؤروره‌م"
قازاقستانین وظیفه‌سینی بوراخاجاغینی آچیقلایان جمهورباشقانی نورسلطان نظربایئو، خالقینا و اؤلکه‌سینه خیدمت ائتمک‌دن شرف دویدوغونو قید ائد‌رک،
"خالقیما تشکر ائدیرم و اؤنونده باش اییره‌م" دئدی.
نظربایئو خالقا سسله‌نیشینده، اؤزو اوچون قازاقیستان جمهورباشقانی صلاحیتلرینی لغو ائتمه کیمی چتین بیر قرار آلدیغینی سؤیله‌یه‌رک، وظیفه‌سینی ۳۰ ایل یئریتدیگینی خاطیرلاتدی.
سووئتلر بیرلیگینین داغیلماسی ایله (۱۹۹۱) اقتصادی و سیاستی چتین وضعیت‌ده اولان اؤلکه‌نین باشینا گئچدیگینی خاطیرلادان نظربایئو، توتالیتار سیستمی ییخاراق، توپلومون بوتون انستیتولارینی مدرنلشدیردیکلرینی، "بونلاری دموکراتیک بیر اؤلکه قورماق اوچون" ائتدیکلرینی دیله گتیردی.
نظربایئو، اقتصادی گلیشمه‌نی و خالقین ریفاهینین آرتیریلماسینی هدف آلدیقلارینی سؤیله‌یه‌رک،
"سونوجدا اؤلکه اقتصادینی ۱۵ دفعه، آدام باشی گلیری ۹ دفعه آرتیرماغی و یوخسوللوق سینیرینی ۱۰ دفعه آزالتماغی باشاردیق" دئدی.
اؤلکه‌نین دونیانین ان گلیشمیش ۵۰ اؤلکه‌سی سیراسینا گیردیگینه دقت چکه‌ن نظربایئو، هدفلرینین دونیانین ان گلیشمیش ۳۰ اؤلکه‌سی سیراسینا گیرمک اولدوغونو قید ائتدی.
نظربایئو، اؤلکه تاریخین‌ده ایلک دفعه باشکند آستانانی اینشا ائتدیکلرینی، باشکندین اؤلکه‌نین باشاریلاری و غلبه‌لرینین سمبولو اولدوغونو سؤیله‌دی.
بوتون جمهورباشقانی سئچیملرین‌ده خالق طرفیندن دستکلندیگینه ایشاره ائد‌ن نظربایئو،
"بویوک خالقیما و اؤلکه‌مه خیدمت ائتمک‌دن شرف دویدوم. خالقیما تشکر ائدیر و اؤنونده سایغی ایله اییلیرم" دئدی.
نظربایئو، استعفا ائتمه‌سینه باخمایاراق، میللی گوونلیک شوراسی، نور اوتان پارتیسی باشقانی و آنایاسا شوراسی عضولویونون داوام ائدجگینه دقت چکه‌رک، بئله دانیشدی:
"سیزلرله قالیرام. اؤلکه‌نین و خالقیمین قایغیلاری منیم قایغیلاریم اولماغا داوام ائد‌جک. مستقیل قازاقیستانین قوروجوسو اولاراق گله‌جک هدفیمی، حاکمیته، اؤلکه‌ده آپاریلان دییشیک‌لیکلری داوام ائتدیره‌جک یئنی نسیل بیر یؤنتیجینین گلمه‌سینی تامین ائتمک کیمی گؤروره‌م".
