علیئو: آذربایجان موستقیل خاریجی سیاست یئریدیر
آذربایجان پرزیدنتی ایلهام علیئو اؤلکهسینین ثابت، میللی ماراقلاری اساس ساحه و موستقیل خاریجی سیاست یوروتدوگونو دئییب
آذربایجان پرزیدنتی ایلهام علیئو اؤلکهسینین ثابت، میللی ماراقلاری اساس ساحه و موستقیل خاریجی سیاست یوروتدوگونو دئییب.
علیئو باشکند باکیدا کئچیریلن 7-جی قلوبال باکی فوروموندا بیلدیریب.
داغلیق قاراباغ پروبلمیندن دانیشان علیئو، ارمنیستان اوردوسونون آذربایجان تورپاقلارینین یوزده 20سینی ایشغال آلتیندا ساخلادیغینی، بیر میلیوندان چوخ اینسانین یوردلارینی ترک ائتمک مجبوریتینده قالدیغینی خاطیرلادیب.
علیئو، ارمنیستانین آذربایجان خالقینا قارشی ائتنیک تمیزلمه آپاردیغینی، ایشغال اولونموش تاریخی عابدهلرین ارمنی اوردوسو دارماداغین ائدیلدیگینی بیلدیرهرک، "آذربایجان تورپاقلارینین ایشغالی بین الخالق حقوقون گوبود شکیلده پوزونتوسودور. بیرلشمیش میللتلر امنیت شوراسینین کونسئیی (بمگک) قرارلاریندا، ارمنیستاندان ایشغالا درحال سون وئرمهسی طلب ائدیلیر. ارمنیستان ایشغال اولونموش اراضیلردن قوشونلارینی گئری چکمهلیدیر." دئدی.
آذربایجانین دانیشیقلار پروسهسینی اینکیشاف ائتدیرمهیه حاضیر اولدوغونو وورغولایان علیئو، "موذاکیرهلر نتیجهیه یؤنلیک اولمالیدیر. موذاکیرهلر نتیجهسینده اراضی بوتؤولوگوموز تامین ائدیلمهلیدیر." ایفادهلرینی ایستیفاده ائتدی.
علیئو اؤلکهسینین خاریجی سیاست خطیندن ده بحث ائدهرک،
" آذربایجان خاریجی سیاستی ثابتدیر. موستقیل خاریجی سیاست یورودوروک. میللی ماراقلاریمیز اساس گؤتورور. خاریجی سیاستیمیزین اؤنجهلیک بوتون اؤلکهلرله ایش بیرلیگی قورماقدیر. بیز عنعنوی طرفداشلاریمیزلا علاقهلریمیزی داها دا اینکیشاف ائتدیرمیشیک و یئنی دوستلار اولدوق. قونشولارلا ثمرهلی امکداشلیق موحیطی یاراتمیشیق. نقلیات، انرژی امنیت، تیجارت و سرمایه ساحهلرینده کؤرپولر یاراتدیق." دئدی.
علیئو، آذربایجانین هم ایسلام امکداشلیق تشکیلاتینین، هم ده آوروپا شوراسینین عضوو اولان نادیر اؤلکهلردن اولدوغونو خاطیرلادیب.
تورکیه و گورجوستانلا حیاتا کئچیردیکلری انرژی و نقلیات پروژهلرینه ده توخونان علیئو بو پروژهلرین ده بین الخالق علاقهلرین اینکیشافینا بؤیوک قاتقی وئردیگینی بیلدیردی.
بین الخالق نظامی گنجوی مرکزی طرفیندن تشکیل اولونان فورومون آچیلیشیندا علیئوین هابله افغانیستان پرزیدنتی اشرف غنی، آلبانیا پرزیدنتی ایله ایلیر متا، مولدووا پرزیدنتی ایگور دودون، قاراداغ پرزیدنتی میلو دوکانوویج و بولغاریستان باش ناظیری بویکو بوریسوو دا قاتیلیب.
55 اؤلکهدن 500دن چوخ قاتیلیمچینین ایشتیراک ائتدیگی فوروم 16 مارسا قدر داوام ائدهجک.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی