اؤزبکیستاندا "چیخیش ویزاسی" لغو ائدیلدی
یورددیشینا چیخیش ایجازهسی اویقولاماسی ۱ ژانویه اعتباریله لغو ائدیلدی
اؤزبکیستاندا، ۱ ژانویه اعتباریله یورد دیشینا سیاحت ائتمه ایجازهسی وئرهن "چیخیش ویزاسی" اویقولاماسی لغو ائدیلدی.
اؤزبکیستان ایچ ایشلری باخانلیغیندان وئریلن آچیقلامایا گؤره، پرزیدنت شؤوکت میرضیایئوین، آگوست ۲۰۱۷ده، یورددیشینا سیاحت ایجازهسی وئرهن چیخیش ویزاسی اویقولاماسینین لغو ائدیلمهسینی و بونون یئرینه ایکینجی بیر پاسپورت اویقولاماسینی اؤن گؤرن فرمان ایمضالادیغی ایفاده ائدیلدی.
سؤز قونوسو قرارنامهیه گؤره، یورددیشینا چیخیش ایجازهسی اویقولاماسی ۱ ژانویه اعتباریله لغو ائدیلدی.
یورددیشینا چیخاجاق اؤزبک وطنداشلار، بوندان سونرا آلاجاقلاری ایکینجی بیر پاسپورتدان ایستیفاده ائدجک.
آچیقلامادا، اؤزبکیستانین ویزا رژیمی قویدوغو اؤلکهلره سیاحت ائتمه حاقی وئرن یورددیشینا چیخیش ویزاسی اویقولاماسینین ۱۹۹۵ بو یانا گئچرلی اولدوغو بیلدیریلدی.
یئنی اویقولامادا، یورددیشینا چیخیش ساغلایاجاق ایکینجی پاسپورت، ۱۶ یاش اوستو وطنداشلارا ۱۰ ایللیک، ۱۶ یاش آلتی وطنداشلارا ایسه ۵ ایللیک مدتله وئریلهجک.
اؤزبکیستاندا، ایندییه قدر پاسپورتلار، هم اؤلکه ایچینده کیملیک یئرینه، هم ده یورددیشینا سیاحتلر اوچون ایستیفاده ائدیلیردی.
وطنداشلار، یورددیشینا سیاحت ائتمهلری اوچون پاسپورتلارینا، گوونلیک بیریملری طرفیندن یورددیشینا چیخیش ایجازهسی وئرن و ۲ ایل بویونجا گئچرلی اولان چیخیش ویزاسی آلیردی.