خزریانی اؤلکهلر باکیدا توپلاندی
آذربایجان خاریجی ایشلر باخانی یاردیمچیسی خلف خلفوو باشقانلیغینداکی ییغینجاغا، روسیا، ایران، تورکمنیستان و قازاخیستانلی یئتکیلی و اوزمانلار قاتیلدی
خزرین حقوقی ایستاتوسونون معین ائدیلمهسی اوچون قورولان چالیشما قروپونون 48.جی کنفرانسی باکیدا باشلادی.
آذربایجان خاریجی ایشلر باخانی یاردیمچیسی خلف خلفوو باشقانلیغینداکی ییغینجاغا، روسیا، ایران، تورکمنیستان و قازاخیستانلی یئتکیلی و اوزمانلار قاتیلدی.
خلفوو ییغینجاقدا، خزرین حقوقی ایستاتوسونون معین ائدیلمهسی اوچون بو گونه قدر اؤنملی گلیشمه تامین ائدیلدیگینی ایفاده ائتدی.
دؤولت باشقانلارینین ایشتیراکی ایله بو گونه قدر عشق آباد، تهران، باکی و هشترخاندا 4 ییغینجاق ائدیلدیگینی خاطیرلادان خلفوو، باکی و هشترخان اوتوروملاریندا دؤولتلره عاید اولاجاق قورو سولارینین ائنینین و خزردکی ایش بیرلیگی پرینسیپلرینین تعیین اولوندوغونو بیلدیردی.
خلفوو، بیر سونراکی ذیروه توپلانتیسیندا نهایی ایستاتوسون تعیین ائدیلمهسینین اؤن گؤرولدوگونو ایفاده ائدهرک "بو سببله خزریانی اؤلکهلرین خزردن دیگر دنیزلره و اقیانوسا سربست چیخیشی، حربی گمیلرین دیگر اؤلکهلره عاید قورو سولاریندان گئچیش حاقی، کابل و بورو خطلرینین چئکیلمهسی، خزرین دیبینین بؤلونمهسی کیمی مؤوضوعلار اوزرینده آنلاشما تامین ائدیلمهسی لازیمدیر" دئدی.
خزرین مرکز و قوزئی حیصهلرینین دیبینین بؤلونمهسی قونوسونون بیر حل ائدیلمهسینی ایستدیکلرینی ایفاده ائدن خلفوو، بو مؤوضوعدا آذربایجان، قازاخیستان و روسیا آراسیندا داها اول ایمضالانان آنلاشمالارا اهمیت وئردیکلرینی قید ائتدی.
اؤلکهلرین گوونلیگینه ضرر وئرمهیهجک و بؤلگهده ثابیتلیگین گوجلندیریلمهسینه قاتقی وئرهجک بیر نهایی ایستاتوس اوزرینده آنلاشیلماسی لازیم اولدوغونو وورغولایان خلفوو، سلاحلی چاتیشمالارین و ایشغالچیلیق سیاستینین قارشیسینین آلینماسی اوچون چابالارین بیرلشدیریلمهسی لازیم اولدوغونو ایفاده ائتدی.
ایلگیلیلی خبرلر
آذربایجان جمهوریتیندن رئیسی اوچون باشساغلیغی
آذربایجان جمهورباشقانی ایلهام علییئو، ایران دینی لیدئری علی حامنهاییه باشساغلیغی مئساژی گؤندردی