هیندیستان "ان چوخ اینسانین یاشادیغی اؤلکه" اولدو

جمعیتی ۱،۴۴۱ میلیاردا چاتان هیندیستانین، "ان چوخ اینسانین یاشادیغی اؤلکه" اولدوغو بیلدیریلدی.

بیرلشمیش میللتلر جمعیت صاندیغی، ۲۰۲۴ دونیا جمعیتی دوروم راپورونو، "ایچ ایچه توخونان حیاتلار، اومود ایپلری: جینسی ساغلیق، اۆره‌مه ساغلیغی و بونلارین حاقینداکی برابرسیزلیکلرین سونا چاتدیریلماسی" باشلیغییلا یاییملاندی.

بو ایلکی راپوردا، دونیادا جینسی ساغلیق و اۆره‌مه ساغلیغینداکی برابرسیزلیکلرین آرتدیغینا دقت چکیلدی.

آفریقادا قادینلارین بویلولوق و دوغوم قایناقلی کومپلیکاسیون/عوارض سببی ایله اؤلمه احتیمالینین، آوروپا یا دا قوزئی آمریکاداکی قادینلارا نیسبتله ۱۳۰ قات چوخ اولدوغو بیلدیریلن راپور‌دا، آمریکا قاره‌سینده دا آفریقا منشأ‌لی قادینلارین دوغومدا اؤلمه احتیمالینین داها یوکسک اولدوغو وورغولاندی.

دونیا جمعیتینین ۸،۱۱۹ میلیاردا چاتدیغی ایفاده ائدیله‌ن راپور‌دا، هیندیستان جمعیتینین ۱،۴۴۱ میلیارد اولدوغو ایفاده ائدیلدی.

هیندیستانین، ۱،۴۲۵ میلیارد جمعیتلی چینی گئچه‌رک ایلک سیرایا یئرلشمه‌سینده، اجتماعی-اقتصادی وضعیتینین یاخشیلاشماسی و آنا اؤلوملرینین آزالماسینین رولو اولدوغو قید ائدیلدی.

بیرلشمیش میللتلر بیلگیلرینه گؤره، چینین جمعیتی ۲۰۲۲ده ۱،۴۲۶ میلیاردا چاتدیقدان سونرا گئریله‌مه‌یه باشلادی. متخصصلر، بو عصرین سونوندا چین جمعیتینین ۱ میلیاردین آلتینا دوشه‌جگینی تخمین ائدیر.