دونیادا سولارین چیرکلندیگی بؤلگهلرین خریطهسی چیخاریلدی
یئر اوستو و یئر آلتی سولاریندا "سونسوز شیمیایی مادهلرین" تهلوکهلی میقداردا اولدوغو بؤلگهلر تاپیلدی
یئنی بیر چالیشما ایله دونیا سویهسینده یئر اوستو و یئر آلتی سولاریندا "سونسوز شیمیایی مادهلرین" تهلوکهلی میقداردا اولدوغو بؤلگهلر تاپیلدی.
سیبیسی نیوزون خبرینه گؤره، نیچر جیوساینس درگیسینده یاییملانان مقالهده، دونیا سویهسینده ۴۵ مین سو نومونهسیندن الده ائدیلهن بیلگیلره گؤره، سو نومونهلرینین "اؤنملی قیسیمینده" سونسوز شیمیایی" اولاراق دا بیلینهن پرفلئورو آلکیل و پلیفلئورو آلکیل مادهلرین توصیه ائدیلهن سویهلرین اوزرینده اولدوغو تاپیلدی.
بو مادهلرین یئر اوستو سولاریندا و اینسانلارین ایچمه آماجلی قوللاندیغی یئر آلتی سولاریندا یاییغین اولدوغو اورتایا قویولدو.
دونیاداکی سو چیرکلیلیگینین سیخ اولدوغو بؤلگهلرین خریطهسی چیخاریلان چالیشمادا، استرالیا، آمریکا بیرلشمیش دؤولتلری و آوروپا اؤنده گلن نقطهلر اولاراق تعیین اولوندو.
چالیشمانین یازارلاریندان دنیس او'کارول،
"قایناق سولاریمیزین چوخو یاسال سرحدلرین اوزرینده" دئدی.
آراشدیرمایلا، دونیانین دؤرد بیر طرفیندن آلینان یئر آلتی سویو نومونهلرینین یوزده ۶۹ونون کانادانین مینیموم استانداردلارینی، یوزده ۶سینین ایسه آوروپا بیرلیگی استانداردلارینی آشدیغی گؤرولدو.