ژاپونداکی زلزلهده اؤلو ساییسی آرتدی
زلزلهلرده حیاتینی ایتیرهنلرین ساییسینین ۱۶۱ نفره چیخدیغی، ۱۰۳ نفردن ایسه خبر آلینا بیلمهدیگی بیلدیریلدی
ژاپونون باتیسینداکی ایشیکاوا ایالتینده و بو بؤلگهدهکی نوتو یاریم آداسی ساحلینده میدانا گلن زلزلهلرده حیاتینی ایتیرهنلرین ساییسی ۱۶۱ نفره یوکسلدی.
نحکنین خبرینه گؤره، ایشیکاوا ایالتی مسئوللاری، ژانویه آیینین ایلک گۆنلرینده مدیانا گلن زلزلهلره باغلی آچیقلاما وئردی.
مقاملار، زلزلهلرده حیاتینی ایتیرهنلرین ساییسینین ۱۶۱ نفره چیخدیغینی، ۱۰۳ نفردن ایسه خبر آلینا بیلمهدیگینی بیلدیردی.
اؤته یاندان مسئوللار، زلزلهنین تأثیرلی اولدوغو بؤلگهلرده سۆرهن سیخ قار یاغیشیندان اؤترو زیانلی بینالارا قارشی اویاریلار وئررکن، ژاپن متورولوژی آژانسی، خالقی، نقلیات سیستملرینده آخسامالار، الکتریک تئللری و آغاجلارداکی قار ییغینینین یانیندا دیگر اولاسی تهلوکهلره قارشی حاضیر اولماغا چاغیردی.
ژاپن متورولوژی آژانسی ۱، ۲، ۳ و ۴ ژانویهده ایشیکاوانین نوتو یاریم آداسی و سولاریندا، بؤیوکلوکلری ۴ ایله ۷ آراسیندا دییشهن زلزلهلر میدانا گلدیگینی بیلدیرمیشدی.