۲۰۲۳ سون ۱۲۵ مین ایلین ان ایستی ایلی اولاجاق
بیلیم اینسانلاری، ۲۰۲۳ ایلینن سون ۱۲۵ مین ایل ایچینده‌کی ان ایستی ایل اولاجاغینین "هاراداسا قطعی" اولدوغونو بیلدیردی
۲۰۲۳ ایلینین سون ۱۲۵ مین ایلین ان ایستی ایلی اولاجاغی بیلدیریلدی.
آوروپا بیرلیگی بونیه‌سینده‌کی کوپرنیک ایقلیم دییشیکلیگی سرویسینده (سی۳اس) چالیشان بیلیم اینسانلاری، ۲۰۲۳ ایلینن سون ۱۲۵ مین ایل ایچینده‌کی ان ایستی ایل اولاجاغینین "هاراداسا کسین" اولدوغونو بیلدیردی.
سی۳اس، گئچه‌ن آی قید ائتدیگی ایستیلیک بیلگیلرینین، ۲۰۱۹داکی ان ایستی اکتبر آیی رکوردلارینی آلت-اوست ائتدیگینی سؤیله‌دی. سی۳اس مودورو سامانتا بورجس، اکتبر آیین‌اکی نورمال اولمایان ایستیلیکلری "چوخ آشیری" اولاراق تانیملادی.
بو آشیری ایستیلیک آرتیشینین، دوغو پاسیفیک اقیانوسوندا سطح سویو ایستیلشمه‌سینه یول آچان ال‌نینو ایقلیم مد‌لی ایله حاضردا داوام ائد‌ن گولخانا گازی سالینیملارینین بیرلشمه‌سی نتیجه‌سینده اورتایا چیخدیغی بیلدیریلدی.
سی۳اس، اکتبر آیینداکی اورتالاما هاوا ایستیلیگینین، ۱۸۵۰-۱۹۰۰ ایللری آراسینداکی اکتبر آیی اورتالامالارینا گؤره ۱.۷ سانتیگراد درجه داها یوکسک اولدوغونو سؤیله‌دی.
کوپرنیک سرویسینین بیلگی مجموعه‌سینین ۱۹۴۰ ایلینه قدر اولدوغونو سؤیله‌یه‌ن بورجس، "بیلگیلریمیزی ای‌پی‌سی‌سی (حوکومتلرآراسی ایقلیم دییشیکلیگی پنلی) ایله بیرلشدیردیگیمیزده، ۲۰۲۳، سون ۱۲۵ مین ایلین ان ایستی ایلی اولاجاق دئیه‌بیلریک" شکلینده دانیشدی.
