کوروناویروسون یئنی انفکسیون دالغاسی یاییلیر

چین‌ده یئنی نسیل کوروناویروسون (کووید-۱۹) اومیکرون آلت واریانتی ایکس‌ب‌ب قایناق‌لی اولقولارین یول آچدیغی سالقیندا خسته ساییسینین ژوئن آیی باشی اعتیبارییلا هفته‌ده ۱۱ میلیون ایله تپه نقطه‌سینه چاتماسی اؤن گؤرولور.
مرکزی لندن‌ده اولان ساغلیق بیلگی خیدمتلری و آنالیز شیرکتی ایرفینیتی‌نین یاییملادیغی آنالیزده، سالقینین ۱۱۲ میلیون نفره تأثیر ائتمه‌سینین تخمین ائدیلدیگی بیلدیریلدی.
شیرکت، بو انفکسیون دالغاسیندا ۶۲۹ مین جان ایتکی اولاجاغینی اؤن گؤرور.
ایرفینیتی‌نین کووید-۱۹ اپیدمولوگو دکتر تیشیا ونکاترامان، چینین آلتی آی اؤنجه یاشادیغی بؤیوک سالقین دالغاسینین گئنیش طبیعی باغیشیقلیق تامین ائتدیگینی، اوسته‌لیک او گونلردن بو یانا آشیلامادا داها چوخ مسافه قید ائدیلدیگینی ایفاده ائد‌رک،
"ایکس‌ب‌ب آلت واریانتینین تأثیرینه باخمایاراق چین‌ده داها کیچیک و داها آز شدت‌لی بیر ایکینجی دالغا گؤزله‌ییریک" دئدی.
خسته‌خانالاردا و میت‌خانالاردا قیش آیلارین‌دا اولدوغو قدر بؤیوک بیر قالابالیق گؤرولمه‌دیگینه ایشاره ائد‌ن ونکاترامان،
"هر نه قدر داوام ائد‌ن دالغا داها کیچیک اولسا دا چین‌ده یاشلانان اهالینین آرتماسی سببی ایله هله ده بؤیوک جان ایتکیسینه یول آچابیلر" ایفاده‌لرینی ایشلتدی.