ایکینجی بیر دیل اؤیرهنمک حافظهنی گوجلندیریر
بیردن چوخ دیل بیلمهنین حافظهنی گوجلندیرمهنین یانیندا دمانسا قارشی قوروما تامین ائدهبیلهجگی و یاشلیلارداکی بیلیشسل گئریلهمهیی اؤنلهیهبیلهجگی معین ائدیلدی
ایکینجی بیر دیل اؤیرهنهرک گوندهلیک حیاتدا بو دیلده دانیشمانین حافظهنی گوجلندیردیگی و ایرلی یاشلاردا دمانسی (آغلینی ایتیرمه) اؤنلدیگی آچیقلاندی.
نیویورک تایمزین خبرینه گؤره، نوروبیالیجی آف ایجینگ درگیسینین آوریل ساییسیندا یاییملانان بیر آراشدیرمادا، بیردن چوخ دیل بیلمهنین حافظهنی گوجلندیرمهنین یانیندا دمانسا قارشی قوروما تامین ائدهبیلهجگی و یاشلیلارداکی بیلیشسل گئریلهمهیی اؤنلهیهبیلهجگی معین ائدیلدی.
آلمانیادا یوزلرجه اورتا و ایرلی یاشلارداکی سوژه اوزرینده ائدیلهن آراشدیرمادا، گنج یاشدان اعتباراً ایکی دیلده دانیشابیلهنلرین، یالنیز بیر دیل بیلهن خستهلره گؤره اؤیرهنمه، حافظه، دیل و اوتوکنترل تستلرینده داها یوکسک پوئنلر آلدیغی معین اولوندو.
ائدیلهن آراشدیرمادا، ۵۹ ایله ۷۶ یاشلارینداکی ۷۴۶ سوژه کلمه بیلگیسی، حافظه، دقت و حسابلاما اوزرینه سواللار سوروشولدو.
مثلاً، اولدن آدلاندیریلمیش جسملری خاطیرلامالاری، سؤزلری ترسدن هئجالامالاری، اوچ پارچالی امرلری یئرینه یئتیرمهلری و اؤزلرینه وئریلن طرحلری کوپی ائتمهلری ایستهنیلدی.
آراشدیرمایا قاتیلانلارین تخمیناً یوزده ۴۰یندا حافظه پروبلئمی اولمادیغی، دیگرلرینین ایسه باش قاریشیقلیغی یا دا حافظه ایتکیسی کیمی پروبلئملر سببی ایله داها اول دکترا مراجعت ائتدیگی ایفاده ائدیلدی.
بو شخصلردن ۱۳-۳۰ و یا ۳۰-۶۵ یاشدا ایکینجی بیر دیل اؤیرهنهن و دانیشانلارین، دیل بیلمهیهنلره گؤره دیل، حافظه، تمرکز، دقت و قرار وئرمه قابیلیتلری ساحهلرینده داها یوکسک نتیجهلر الده ائتدیگی تعیین اولوندو.
سینیر بیلیمچیلر، ایکی دیلده دانیشابیلهنلرین دیللر آراسیندا آخیجی گئچیش ائتدیکلری اوچون عینی آندا چوخ ایش ائدهبیلمه، دویغولاری کنترل ائتمه و اوتوکنترل کیمی باجاریقلاردا دا بنزر قابیلیتلره صاحب اولاجاقلارینی، بونون دا دمانسی گئجیکدیرمهیه کؤمکچی اولابیلهجگینی دوشونور.
ایلگیلیلی خبرلر
ژاپن و اکوادوردا زلزله باش وئریب
ژاپنون پایتخاتی توکیونون گونئیینده 6 ریشتر و اکوادوردا 5.2 ریشتر گوجونده زلزله باش وئریب