کوروناویروس ۸ هفته‌ده ۱۷۰ میندن چوخ اینسان اؤلدوردو
"بونلار ساده‌جه بیلدیریله‌ن اؤلوملردیر، گئرچک رقملر بون‌دان داها چوخدور"
دونیا ساغلیق هؤرگوتو باش مودورو تدروس آدهانوم گبریسوس، یئنی نسیل کوروناویروس (کووید-۱۹) سببی ایله سون ۸ هفته‌ده ۱۷۰ میندن چوخ اینسانین اؤلدوگونو بیلدیردی.
گبریسوس کۆره‌سل ساغلیق وضعیتی ایله باغلی دگرلندیرمه‌لر وئردی.
دسامبر آیینین باشیندان بری کووید-۱۹ قایناقلی هفته‌لیک اؤلوملرین آرتماسینا دقت چکن گبریسوس،
"سون ۸ هفته‌ده ۱۷۰ میندن چوخ اینسان کووید-۱۹ ندنی ایله یاشامینی ایتیردی. بونلار ساده‌جه بیلدیریله‌ن اؤلوملردیر، گئرچک رقملر بون‌دان داها چوخدور" دئدی.
دونیا ساغلیق هؤرگوتونون ان یوکسک اویاری سویه‌سی اولان "اولوسلارآراسی خالق ساغلیغی عاجیل وضعیتی"نی اعلان ائتمه‌لرینین اۆستوندن ۳ ایل گئچدیگینی خاطیرلادان گبریسوس، بو هفته کووید-۱۹ عاجیل وضعیت کمیته‌سینین، ویروسلا باغلی وضعیتین هله کۆره‌سل بیر فؤوق‌ا‌لعاده دوروم تشکیل ائدیب ائتمه‌دیگینی دارتیشماق اوچون توپلاناجاغینی سؤیله‌دی.
گبریسوس،
"مئساژیم آچیقدیر، بو ویروسو اؤنمسیز سایمایین، بیزی تعجبلندیردی و تعجبلندیرمه‌یه داوام ائد‌جک. ساغلیق آراجلارینی احتیاجی اولانلارا چاتدیرماساق و یانلیش بیلگیلرله موباریزه ائتمک اوچون داها چوخ ایش
