هر ۴،۴ ثانیه‌ده بیر اوشاق و یا گنج اؤلدو
ساغلیق سیستمینه عدالتلی اَریشیم و یوکسک کیفیتلی اوشاق ساغلیغی خیدمتلرینین تامین ائدیلمه‌سی ایله بو اؤلوملرین قارشیسینی آلماق اولاردی
۲۰۲۱-جی ایلده هر ۴،۴ ثانیه‌ده بیر اوشاق و یا گنج یاشامینی ایتیردی.
بیرلشمیش میللتلر تشکیلاتینین اوشاق اؤلوملری تخمینلری تشکیلاتلارآراسی قروپونون سون راپورونا گؤره، ۲۰۲۱-جی ایلده ۵ میلیون اوشاق ۵ یاشینا چاتمادان یاشامینی ایتیریرکن، ۵-۲۴ یاش آراسی ایسه ۲،۱ میلیون اوشاق و یا گنج اؤلدو.
بیرلشمیش میللتلرین یاییملادیغی بیر باشقا راپورا گؤره، عینی دؤورده، ۱،۹ میلیون کؤرپه‌نین اؤلو دوغولدوغو معین ائدیلیرکن، ساغلیق سیستمینه عدالتلی اَریشیم و یوکسک کیفیتلی اوشاق ساغلیغی خیدمتلرینین تامین ائدیلمه‌سی ایله بو اؤلوملرین قارشیسینی آلماق اولاردی.
۲۰۲۱-جی ایلده هر ۴،۴ ثانیه‌ده بیر اوشاق و یا گنجین اؤلدوگونو آچیقلایان بیرلشمیش میللتلر، ساغلیق سیستملرینین کیفایت قدر گلیشدیریلمه‌مه‌سی حالیندا ۲۰۳۰-جو ایله قدر تخمیناً ۵۹ میلیون اوشاق و گنجین اؤله‌بیله‌جگی، ۱۶ میلیون کؤرپه‌نین ایسه اؤلو دوغولاجاغی اویاریسی ائتدی.
۲۰۲۱-جی ایلده ۵ یاش آلتی بوتون اوشاق اؤلوملرینین یۆزده ۵۶سی صحرا آلتی آفریقادا، یۆزده ۲۶سی ایسه گونئی آسیادا گؤرولدو.
صحرا آلتی آفریقادا دوغولان اوشاقلار دونیادا ان یوکسک اؤلوم ریسکی ایله قارشی قارشییا قالارکن، بو ریسکین آوروپا و قوزئی آمریکادا دوغولان اوشاقلاردان ۱۵ قات داها چوخ اولدوغو بیلدیریلیر.
راپور‌دا گؤروشلری یئر آلان بیرلشمیش میللتلر تشکیلاتینین اوشاقلارا یاردیم صاندیغی (یونیسف) معلومات آنالیزی پلانلاما و مونیتورینایزله‌مه مودورو ویدیا گنش، هر گون بیر چوخ آنا-آتانین اوشاقلارینی ایتیرمه ضربه‌سی ایله اوزلشدیگینی بیلدیررک،
"بئله گئنیش یاییلمیش و قارشیسی آلینابیله‌ن بیر فاجعه، هئچ واخت اؤنله‌نه‌ممز اولاراق قبول ائدیلمه‌مه‌لیدیر. هر اوشاق و قادینین برابر فایدالانابیله‌جیگی اساس ساغلیق خیدمتلرینه قویولاجاق سرمایه و گوجلو سیاسی ایراده ایله ایر‌لیله‌مک مومکوندور" ایفاده‌لری ایشله‌دیلدی.
دونیا ساغلیق هؤرگوتو آنا، اوشاق و ارگن ساغلیغی انستیتوسونون مودورو آنشو بانرجی، اوشاقلارین ساغ قالما شانسلینین یالنیز دوغولدوقلاری یئره گؤره شکیللنمه‌سی و حیات قورتاران ساغلیق خیدمتلرین‌ن ایستیفاده‌ده یاشانان ائشیدسیزلیکلرین بؤیوک بیر عدالت‌سیزلیک اولدوغون بیلدیردی. بانرجی،
"دونیاداکی بوتون اوشاقلار، احتیاجلارینین قارشیلانماسی، حیاتا ان یاخشی شکیل‌ده باشلامالاری و گله‌جه‌یه اومودلا باخابیلمه‌لری اوچون گوجلو ایلکین ساغلیق خیدمتلرینه احتیاجی دویورلار" دئدی.
