کۆرهسل ایستیلیک بوزلاقلاری تهدید ائدیر
۲۱۰۰-جو ایلده قوروداکی بوز کوتلهسینین یۆزده ۳۲سینین یوخ اولابیلهجگی بیلدیریلدی
کۆرهسل ایستیلیک آرتیشینین ایندیکی سرعتله داوام ائدجگی تقدیرده ۲۱۰۰-جو ایلده قوروداکی بوز کوتلهسینین یۆزده ۳۲سینین یوخ اولابیلهجگی بیلدیریلدی.
آمریکا بیرلشمیش دؤولتلرینین کارنگی ملون بیلیمیوردوندان بوزلاقبیلیمچیسی دیوید رانس، اؤز آراشدیرمالاریندا سون ایللرده بوزلاقلارداکی دییشیکلیکلری آراشدیرماق اوچون داها چوخ اویدو شکیللریندن ایستیفاده ائدیلدیگینی و هر بوزلاغین گلهجگینین آیری آیری گرلندیریلدیگینی بیلدیردی.
رانس، کۆرهسل ایستیلیک آرتیشینین ایندیکی شکیلده داوام ائتمهسی حالیندا، ۲۱۰۰ ایلینده قوروداکی بوز کوتلهسینین یۆزده ۳۲سینین و بوزلاقلارین یۆزده ۶۸ینین یوخ اولاجاغینی ایفاده ائتدی.
بوزلاقبیلیمچی رانس، بوزلاقلارداکی بو اریمهنین دنیز سویهسیندهکی آرتیشی ۱۱۵ میلیمتره قدر چیخابیلهجگینی بیلدیردی.
آراشدیرماچیلار، کۆرهسل ایستیلیک آرتشمینین اولوسلارآراسی توپلوم طرفیندن معین ائتدیلن ۱،۵ سانتیگراد درجه سویهسینده ساخلانیلماسی حالیندا بئله، بوزلاق کوتلهسینین یۆزده ۲۶سینین یوخ اولابیلهجگینی گؤزلملهدی.
بوندان علاوه، ۲۱۰۰- ایلی اعتباری ایله کۆرهسل ایستیلیک آرتیشینین بیرلشمیش میللتلر تشکیلاتینین اؤنگؤردوگو کیمی ۲،۱ ایله ۲،۹ سانتیگراد درجه آرالیغیندا اولماسی حالیندا آوروپا، باتی کانادا، آمریکا و یئنی زلانددا داغ بوزلاقلارینین هارداسا هامیسینین یوخ اولابیلهجگی قید ائدیلدی.
دونیادا ۲ میلیارد اینسانین تمیز سو احتیاجی، قوروداکی ۲۱۵ میندن چوخ بوزلاقدان الده ائدیلیر آنجاق بوزلاقلارین اریمهسی دنیز سوییهسینین یۆکسلمهسینه ندن اولدوغو اوچون دنیز قیراغیندا یاشایان میلیاردلارجا اینسانا تهلوکه یارادیر.