اینگیلیس و آمریکالی دکترلار تعلیم اوچون تورکیهیه گلدی
"تکجه اینگیلتره و آمریکادان دئییل، دونیانین هر یئریندن تعلیم آلماق اوچون باشاکشهیر جام و ساکورا خستهخاناسی اورولوژی کلینیکینه گلیر"
اینگیلیس و آمریکالی اورولوژی دکترلاری، ایستانبول باشاکشهیر چام و ساکورا شهر خستهخاناسی اورولوژی کلینیکینده داوینچی روباتیک جراحی، پروتز جراحیسی، هولپ (لیزر ایله پروستات عملیاتی)، ایاسدابلیوال داش قیرما معالیجهسی، پروستات قونوسوندا ایرلی جراحی تکنیکلری ایله عملی تعلیم گؤردو.
اینگیلیس و آمریکالی دکترلار، خستهخانانین روباتیک و رکونستروکتیو (ترمیمی) اورولوژی متخصصی پروفسور دکتر عبدالمطلب شیمشک و اکیبینین گئرچکلشدیردیگی عملیاتلارا قاتیلدی.
اگیتیملر حاقیندا بیلگی وئرهن پروفسور شیمشک، آمریکا و اینگیلترهدن گلن حکیملرین ۵ عملیاتا قاتیلاجاقلارینی و گؤستریلهن تکنیکلری اؤز نظارتلری آلتیندا تطبیق ائتمه ایمکانی الده ائدجکلرینی بیلدیردی.
بو تعلیملر سونوندا حکیملرین تطبیق ائتدیکلری جراحی اصوللارلا باغلی سرتیفیکیت آلاجاقلارینی ایفاده ائدن شیمشک:
"شهر خستهخاناسینین قورولماسی ایله ان سون تکنولوژیک آلتلر بیزیمله بیرلیکده اولدو. تکنولوژیک آلتلردن ایستیفادهسی، بیزیم گلیشدیردیگیمیز یئنی جراحی اصوللارلا بیرلشدیریلدیکده چوخ یاخشی نتیجهلر الده ائتدیک. بو نتیجهلر خاریجدهکی حکیملرین ماراغینی چکدی. حکیملر، تکجه اینگیلتره و آمریکادان دئییل، دونیانین هر یئریندن تعلیم آلماق اوچون باشاکشهیر جام و ساکورا خستهخاناسی اورولوژی کلینیکینه گلیر" دئدی.
ایتالیا، ایسپانیا، عراق، مصر، اورتادوغو و آفریقا اؤلکهلریندن حکیملرین اگیتیم آلماق اوچون خستهخانالارینا گلدیگینی، اینگیلیس و آمریکالی حکیملرین ایلک گلدیکلری زامان خستهخانانین بؤیوکلوگو قارشیسیندا تعجبلندیکلرینی قید ائدین شیمشک:
"قوناق حکیملر، تورکیهده ساغلیق توریزمینین نیه بو قدر یاخشی گلیشدیگینی آنلاما ایمکانی الده ائتدیلر" دئدی.
ایلگیلیلی خبرلر
ژاپن و اکوادوردا زلزله باش وئریب
ژاپنون پایتخاتی توکیونون گونئیینده 6 ریشتر و اکوادوردا 5.2 ریشتر گوجونده زلزله باش وئریب