ایقلیم بحرانی آوروپایا آغیر ضربه ووردو: ایستی دالغا‌لاری داها دا شدت‌لنه‌جک
دونیا ایقلیم بحرانی ایله باغلی قیرمیزی خبردارلیق وئرمه‌یه داوام ائدرکن، آوروپا بیرلیگی ایقلیم متخصص لرینی ناراحات ائده‌جک یئنی معلومات‌لار درج ائدیب.
دونیا ایقلیم بحرانی ایله باغلی قیرمیزی خبردارلیق وئرمه‌یه داوام ائدرکن، آوروپا بیرلیگی ایقلیم متخصص لرینی ناراحات ائده‌جک یئنی معلومات‌لار درج ائدیب.
بیرلیگین “کوپئرنیک” دونیا موشاهیده پروقرامی 2022-جی ایلین ایلک 7 آییندا گؤرولن مئشه یانغین‌لاری‌نین سایینین سون 15 ایلین اورتا گؤستریجی‌سین‌دن 4 دفعه چوخ اولدوغونو آچیقلاییب.
آچیقلامادا ژانویه – جولای آیلاریندا 1926 مئشه یانغینی‌نین قئیده آلیندیغی، 2006-2021-جی ایللرده اورتا حسابلا ایلده 520 یانغین اولدوغو قئید ائدیلیب.
آوروپا بو ایل گؤرونمه‌میش ایستی دالغاسی ایله موباریزه آپاریر. ایسپانیا، ایتالیا، پورتوقالیا، یونانیستان، فرانسا و آلمانیادا مین‌لرله هکتار اراضی کول اولوب.
ایقلیم متخصص‌لری‌نین فیکرینجه، بشریتین یاراتدیغی ایقلیم بحرانی سببیندن حدیندن آرتیق ایستی دالغا‌لاری داها تئز-تئز و شدت‌لنه‌جک.
