۹۰۰دن چوخ اینسانین آجلیقدان اؤلدوگو ادعا ائدیلدی
بیرلشمیش میللتلره گؤره، بؤلگه‌ده هر ۱۰ نفردن سککیزی غذا گۆونسیزلیگی ایچریسینده و آجلیقدان اذیت چکیر
1859173
اوگاندانین قوزئیینده‌کی کاراموجا بؤلگه‌سینده ۹۰۰دن چوخ اینسانین قوراقلیغین یاراتدیغی آجلیقدان اؤلدوگو ادعا ائدیلدی.
دیلی مونیتورون خبرینه گؤره، بؤلگه مقاملاری، فوریه آیین‌ان بری کابونگ‌دا ۲۵۹، ناپاک‌دا ۴۹، کوتیدودا ۶۲۶ نفرین آجلیق و آجلیقدان قایناقلانان خسته‌لیکلردن اؤلدوگونو بیلدیردی. حیاتینی ایتیره‌نلرین اکثریتی اوشاقلار و قوجالاردیر.
اکینچیلیک و حیوانچیلیغین بیتمه نقطه‌سینه گلدیگی بؤلگه‌یه اؤتن هفته گؤندریله‌ن ارزاق یاردیمی یئترسیز قالدی.
یئرلی مسئوللار، حکومتی بؤلگه‌یه یاردیملارینی آرتیرماغا چاغیردی.
بیرلشمیش میللتلره گؤره، بؤلگه‌ده هر ۱۰ نفردن سککیزی غذا گۆونسیزلیگی ایچریسینده و آجلیقدان اذیت چکیر.
