اومیکرون، انسان دریسینده ۲۱ ساعات جانلی قالابیلیر

یئنی نسیل کوروناویروسون (کووید-۱۹) اومیکرون واریانتینین انسان دریسین‌ده ۲۱ ساعاتا، پلاستیک اۆستونده ایسه ۸ گونه قدر یاشایابیله‌جگی معین ائدیلدی.

ژاپنون کیوتو طب اونیوئرسیته‌سینین آراشدیرماچیلاری، چینین ووهان شهرین‌ده کووید-۱۹ون ایلک یولوخما حالی ایله واریانتلار آراسین‌داکی فرقلری آراشدیردیلار.

آراشدیرما، ویروسون آلفا، بتا، دلتا و اومیکرون واریانتلارینین پلاستیک اۆستونده و دری‌ده ووهاندا چیخان نؤوعوندن ۲ قات داها اوزون سۆره یاشایابیلدیگینی گؤستردی.

آراشدیرمادا، ووهان واریانتینین پلاستیک اۆستونده اورتالاما یاشام سۆره‌سی ۵۶ ساعات، آلفا واریانتی ۱۹۱،۳ ساعات، بتا واریانتی ۱۵۶،۶ ساعات، دلتا واریانتی ۱۱۴ ساعات، اومیکرون واریانتی ایسه ۱۹۳،۵ ساعات اولاراق معین ائدیلدی.

انسان دریسینده ویروسون اوریجینال حالی ۸،۶ ساعات، آلفا واریانتی ۱۹،۶، بتا واریانتی ۱۹،۶، دلتا واریانتی ۱۶،۸ و اومیکرون واریانتی ‌دا ۲۱،۱ ساعات جانلی‌ قالابیلدی.

آرادشیرماچیلار، بوتون واریانتلارین یوزده ۳۵لیک الکل چؤزلتیسینه (محلولونا) ۱۵ ثانیه معروض قالینجا تامامیله تاثیرسیزلشدیگینی بیلدیررک،، ال تمیزلیگی اوچون ال و اورتام تمیزله‌مه محلوللاریندان ایستیفادیه داوام ائتمه‌گی توصیه ائدیر.