دونوزدان اینسانا ایلک اوره‌ک جالاغی

"حیاتا گئچیریله‌ن عملیات‌دان ۳ گون سونرا خسته‌نین وضعیتینین یاخشی اولدوغو بیلدیریلدی

1760750
دونوزدان اینسانا ایلک اوره‌ک جالاغی

آمریکانین مریلند ایالتین‌ده خسته‌خانادا اؤلوم آیاغین‌دا اولان ۵۷ یاش‌لی اورک خسته‌سینه سون چاره اولاراق دونوز اوره‌گی آنقل ائدیلدی.

مریلند خسته‌خاناسین‌دان وئریله‌ن آچیقلامادا، "ایلک دفعه و سون درجه تجربی اولاراق" حیاتا گئچیریله‌ن عملیات‌دان ۳ گون سونرا خسته‌نین وضعیتینین یاخشی اولدوغو بیلدیریلدی.

عملیاتین حقیقتاً ایشه یارادیغینی بیلمک چوخ تئز اولسا دا، حیات قورتاران جالاقلار اوچون بیر گون حیوان اورگانلارینی قوللانما قونوسوندا "اون ایللر سۆرن آختاریشدا بیر آددیم" اولدوغو ایفاده ائدیلیر.

مریلند اونیوئرسیته‌سی طب مرکزینین حکیملری بو عملیاتین ژنتیکی دییشدیریلمیش حیوان‌دان آلینان اوره‌گین اینسان بدنینده ایشله‌یه‌بیله‌جگینی اثبات ائتدیگینه دقت چکدی.

آچیقلامادا اوره‌گین جالاندیغی دیوید بنتین عملیات‌دان بیر گون قاباق، "بونون قارانلیق‌دا بیر آتیش اولدوغونو بیلیرم آنجاق بو منیم سون شانسیمدیر" دئدیگی بیلدیریلدی.

اونیوئرسیتئه‌نین حیوان‌دان اینسانا جالاق پروگرامینین علمی مودورو دکتر محمد محی‌الدین،

"بو ایشه‌ یاراسا، آجی چکه‌ن خسته‌لر اوچون بو اورگانلاردان سون‌سوز بیر تدارک اولاجاق" دئدی.

اؤنجه‌کی گیریشیملرین اوغورسوز اولدوغونو بیلدیرن محی‌الدین،

"بو دفعه مریلند جراحلاری، حجره‌لرین‌ده آشیری سرعتلی اورگان رد ائدیلمه‌سیندن سوروملو اولان بیر شکری چیخارماق اوچون ژنی دوزلدیلمیش بیر دونوزون اوره‌گین‌دن ایستیفاده ائتدیلر" دئدی.



ایلگیلی‌لی خبرلر