اومیکرونا یولوخانلار داها آز خستهخانایا یاتیر
"آنالیزیمیز، دلتا واریانتینا مقایسهده اومیکرون واریانتی داشییان شخصلرین خستهخانایا قالدیریلما ریسکینین اورتا درجهده آزالدیغینی گؤستریر"
اینگیلترهده ائدیلهن بیر آراشدیرمادا، کووید-۱۹ون اومیکرون واریانتینین، دلتا واریانتینا نیسبتله داها آز خستهخانایا قالدیریلمالارا یول آچمادیغی معین ائدیلدی.
لندن امپریال کالجی طرفیندن ائدیلهن آراشدیرمادا، ۱-۱۴ دسامبر تاریخلرینده اینگیلترهده ثبت ائدیلن هم آشیلی هم ده آشیسیز کووید-۱۹ اولقولاری دگرلندیریلدی.
چالیشمادا، ۵۶ مین اومیکرون و ۲۶۹ مین دلتا اولقوسو آراشدیریلدی.
آراشدیرمایا گؤره، اومیکرونلو شخصلرین تخمیناً یوزده ۱۵ی "داها آز خستهخانایا قالدیریلماغا"، یوزده ۴۰-۴۵ی داها آز "خستهخانادا ان آز بیر گئجه و یا داها اوزون قالماغا" احتیاج دویور.
بونونلا بیرلیکده اومیجرونون سئمپتوملارینین داها آز لاکین یولوخوجولوغونون اولدوقجا چوخ اولدوغو ایفاده ائدیلیر.
لندن امپریال کالجیندن پروفسور نیل فرگوسون، وئردیگی آچیقلامادا،
"آنالیزیمیز، دلتا واریانتینا مقایسهده اومیکرون واریانتی داشییان شخصلرین خستهخانایا قالدیریلما ریسکینین اورتا درجهده آزالدیغینی گؤستریر" دئدی.
اینگیلتره، ۱۷۰ مینی آشان اؤلومله "آوروپادا کووید-۱۹ قایناقلی ان چوخ اؤلومون گؤرولدویو اؤلکه"دیر.