دیابت خستهلیگینه کؤک حجرهلی معالیجه
آراشدیرما، کؤک حجرهلرله آشیلانمیش کیچیک بیر ایمپلنتین بدنین اؤز-اؤزونه انسولین اۆرتمهسینه کؤمک ائدهبیلهجگینی گؤستردی
کانادادا کؤک حجرهلی معالیجه یولویلا شکر خستهلرینین احتیاج دویدوغو انسولینین بدنده اۆرهتیلهبیلهجگی اورتایا قویولدو.
بریتیش کلمبیا اونیوئرسیتهسی و ونکوور کوستول هلت آراشدیرماچیلاریندان بیر قروپ طرفیندن آپاریلان و بیر ایلک اولان آراشدیرما، کؤک حجرهلرله آشیلانمیش کیچیک بیر ایمپلنتین بدنین اؤز-اؤزونه انسولین اۆرتمهسینه کؤمک ائدهبیلهجگینی گؤستردی.
دکتر دیوید تومپسون بو قونودا، "ایندی تیپ-۱ دیابت خستهلری اوچون اؤنجهلر هئچ اولمایان بیر اومود وار" دئدی.
آراشدیرما نتیجهسینده، کیچیک بیر جیهازین، تیپ-۱ دیابت خستهسی اولان اون بئش خستهنین قارین دریسینین آلتینا یئرلشدیریلدیگینی بیلدیرن دکتر تومپسون،
"جیهاز، لابوراتوردا یئتیشدیریلهن تک بیر کؤک حجره دیزیسیندن اۆرهتیلهن و قان شکرینی کنترل ائدن هورمون اولان انسولینین اۆرهتیمکدن سوروملو میلیونلارجا حجره احتوا ائدیر" دئدی.
سل ایستم سل آدلی بیلیمسل ژدرگینین سون ساییسیندا دا یاییملانان آراشدیرمادا، ایمپلنتدهکی حجرهلر طرفیندن بوراخیلان انسولین میقدارینی اؤلچمک اوچون انسولین اولوشومونون بیر یان اۆرون اولاراق قانا بوراخیلان بیر آمینو اسید زنجیری اولان سی-پپتیدیندن ایستیفاده ائدیلدی.
شکر خستهلرینین ایستیفاده ائتدیگی تزریق ائدیلهن انسولینلرین سی-پپتید عمله اۆرهتمهدیگی خاطیرلادیلان آراشدیرمانین نتیجهلرینه گؤره، قاتیلیمچیلارین سی-پپتید سویهلرینین یئمکدن سونرا آرتدیغی و طبیعی اولاراق انسولین اۆرهتدیکلرینه دایر دلیللر گؤستردیگی ایفاده ائدیلدی.
آراشدیرمادا ایشتیراک ائدن خستهلرین آیریجا هدف قان شکری آرالیغیندا یوزده ۱۳ داها چوخ واخت گئچیردیکلری و بعضیلرینین ایمپلنت سایهسینده تزریق ائتدیکلری انسولینین میقدارینی آزالدا بیلدیکلری معین ائدیلدی.