تورکیهده وورولان بیرینجی دوز واکسن ساییسی ۳۰ میلیونو گئچدی
اؤلکهده ۲۵ یاش و اوزریندهکی وطنداشلارا آشی وورولدوغو پروگرام، یاریندان اعتباراً ۱۸ یاش اوزریندهکیلرله داوام ائدجک
1663741
تورکیهده یئنی نسیل کوروناویروس (کووید-۱۹) ایله مبارزهده بیرینجی دوز آشی ساییسی ۳۰ میلیونو آشدی.
ساغلیق باخانلیغینین "covid19asi.saglik.gov.tr" آدرسینده یئر آلان آنلیق بیلگیلره گؤره، ۲۴ ژوئن تورکیه ساعاتی ایله ۰۸.۳۷ اعتیارییلا وورولان بیرینجی دوز آشی ساییسی ۳۰ میلیون مین ۹۶۳، ایکینجی دوز آشی ۱۴ میلیون ۶۵۴ مین ۳۸۰ اولدو.
بئلهجه توپلام دوز ساییسی، ۴۴ میلیون ۶۵۶ مین ۳۴۳ اولاراق ثبت ائدیلدی.
بو آندا اؤلکهده ۲۵ یاش و اوزریندهکی وطنداشلارا آشی وورولدوغو پروگرام، یاریندان اعتباراً ۱۸ یاش اوزریندهکیلرله داوام ائدجک.
بئلهجه تورکیه، توپلومسال باغیشیقلیق هدفینه چاتماق اوچون اؤنملی بیر مرحلهیه گیریلهجک.