قهوه، قاراجییر راحاتسیز‌لیغینا باغلی اؤلوم ریسکینی آزالدیر
قهوه ایچنلرین، ایچمه‌یه‌نلره گؤره، مزمن قاراجیر خسته‌لیگینه و قاراجییر یاغلانیلماسینا باغلی خسته‌لیگیه توتولما ریسکینین یوزده ۲۰ داها آز اولدوغو بللی اولدو
قهوه ایچمک مزمن قاراجییر راحاتسیز‌لیغینی اؤنله‌یه‌بیلیر.
اینگیلتره‌ده ساوت‌همپتون بیلیم‌یوردوندان آراشدیرماچیلار، قهوه‌نین کرونیک قاراجییر ریسکینی آزالدیب آزالتمادیغینی آراشدیردی.
آراشدیرمادا، ۴۹۴ مین ۵۸۵ ایشتیراکچینین بیلگیلری آنالیز ائدیلدی.
ایشتیراکچیلارین ۴۰ ایله ۶۹ یاش آرالیغین‌دا اولدوغو، بونلاردان ۳۸۴ مین ۸۱۸ینین قهوه ایچدیگی، ۱۰۹ مین ۷۶۷سینین ایسه قهوه ایچمه‌دیگی وورغولاندی.
ایشتیراکچیلارین قاراجییر راحاتسیز‌لیقلاری ۱۱ ایل بویونجا ایزله‌نیلدی.
آنالیز نتیجه‌سین‌ده، قهوه ایچنلرین، ایچمه‌یه‌نلره گؤره، مزمن قاراجیر خسته‌لیگینه و قاراجییر یاغلانیلماسینا باغلی خسته‌لیگیه توتولما ریسکینین یوزده ۲۰ داها آز اولدوغو بللی اولدو.
آیریجا، قهوه ایچنلرین قاراجییر راحاتسیز‌لیغینا باغلی اؤلوم ریسکینین، ایچمه‌یه‌نلره مقایسه‌ده یوزده ۴۹ داها آز اولدوغو بیلدیریلدی.
