کوروناویروسا یولوخانلارین اوچده بیری باشقا خسته‌لیکلره توتولور

خسته‌لرین اوچده بیری سونراکی ایلک ۵ آی ایچین‌ده نفس یولو خسته‌لیکلری و اورک-دامار پروبلئملری سببیله خسته‌خانایا مراجعت ائتدی

1566338
کوروناویروسا یولوخانلارین اوچده بیری باشقا خسته‌لیکلره توتولور

یئنی نسیل کوروناویروسون‌دان قورتولان خسته‌لرین اوچده بیرینین خسته‌خانادان مرخص اولدوق‌دان سونراکی ایلک ۵ آی ایچین‌ده نفس یولو خسته‌لیکلری و اورک-دامار پروبلئملری سببیله خسته‌خانایا مراجعت ائتدیی اورتایا چیخدی.
اینگیلتره اولوسال استاتیستیک قورومونون یونیورسیتی کالیج لاندین و لیستر بیلیم‌یوردو ایله یئریتدیگی چالیشما چرچیوه‌سین‌ده کووید-۱۹ خسته‌لیگینه یولوخوان۴۷ مین ۷۸۰ نفر تعقیب ائدیلدی.
آراشدیرمادا، خسته‌لرین تخمیناً یوزده ۳۰ونون (۱۴ مین ۱۴۰ نفر)کووید-۱۹دان سونرا ۱۴۰ گون ایچین‌ده اورک-دامار پروبلئملرده آرتیش، تنفس چتین‌لیگی و دیابت شیکایتلری ایله یئنی‌دن خسته‌خانایا گئتدیگی و بو اینسانلارین یوزده ۱۲،۳ونون ایسه اؤلدگو گؤرولدو.
آراشدیرمانین نتیجه‌لری هله ده آکادمیک درگیده یایینلانمادی. اینجه‌له‌نن خسته‌لرین  یاش اورتالاماسینین ۶۵ اولدوغو، ۲۰۲۰نین ایلک ۸ آیین‌دا کووید-۱۹ تشخیصی ایله خسته‌خانایا آپاریلدیقلاری و ساغالدیق‌دان سونرا مرخص ائدیلدیکلری بیلدیریلدی.



ایلگیلی‌لی خبرلر