دونیامیز یئنی بیر بوز چاغی تهدیدی ایله قارشی قارشییا
اریمکده اولان بوزلاقلار، دونیانی یئنی بیر ایقلیم سویوماسی ایله تهدید ائدیر
1564384
آنتارکتیکادا بوزداغلارینین اریمهسینین، دونیانی یئنی بیر بوز چاغینا آپارابیلهجگی ایفاده ائدیلدی.
دیلی میل قزئتینین خبرینه گؤره، ولزده کاردیف اونیورسیتهسیندن بیلیم آداملاری، اریمکده اولان بوزلاقلارین دادلی سویو آتلانتیک اقیانوسونا داشیدیغینی بیلدیلر.
بو پروسه اقیانوس دولاشیمیندا دییشیکلیکلره سبب اولور و دونیانی یئنی بیر ایقلیم سویوماسی ایله تهدید ائدیر.
سون ۱،۶ میلیون ایلدهکی هر بوز چاغی اؤنجهسینده، بوزداغلارینین اریمهسی ایله اقیانوسلارداکی دولاشیم آراسیندا باغلانتی اولدوغو معین ائدیلمیشدیر.
داها اؤنجه بیلیم آداملاری بوزلارین اریمهسی و کورهسل ایستیلشمهنین دیگر نتیجهلرینین اقیانوس سویهسینده آرتیشا یول آچدیغینی، گلهجکده ساحل بؤلگهلرینین سو آلتیندا قالاجاغی اویاریسی وئرمیشدیلر.