تهران، هر ایل بیر آز داها چؤکور
۱۵ میلیون اهالییه ائو صاحبلیگی ائدن تهران، آسیا قارهسینین ان بؤیوک متروپللاریندان بیریدیر
ایرانین باشکندی تهرانین متروپل یئرلشیمینین یوزده ۱۰ونو و قوزئی باتیسینی ایچینه آلان بؤلگه، هر ایل اورتالاما ۲۵ سانتیمتر چؤکور.
ایران تیکینتی و اسکان آراشدیرمالاری مرکزیندن بیلیم اینسانلاری، "نیچر" درگیسینده یاییملادیقلاری مقالهده، تهران و اطرافینداکی یئر چؤکمهسی اولقوسونا دایر آراشدیرمالارینین نتیجهلرینی پایلاشدی.
۲۰۰۳-۲۰۱۷ ایللری آراسیندا اویدو شکیللرینی آراشدیران بیلیم اینسانلاری، شهر مرکزینین یوزده ۱۰ونو و قوزئی باتی ساحهلری احاطه ائدن بؤلگهنین هر ایل ۲۵ سانتیمتر یئره باتدیغینی معین ائتدی.
آنی باتما نتیجهسینده شهردهکی یول و بینالاردا چاتلار، اطرافدا ایسه تورپاقدا درین چوخورلار میدانا گلدیگی قید اولوندو.
تهران اطرافیندا بو شکیلده آچیلان بیر چوخورا دوشن بیر اکینچینین ساعاتلارجا یئرین آلتیندا قالدیغی ایفاده ائدیلدی.
آیریجا یاغیش سولارینین تارلا کنارلاریندا میدانا گلن درین چوخورلارا دولماسی سببیله اکیلمیش تورپاغین کیفایت سویهده سووارلیمادیغی و بونون محصول بیچیمینه منفی تأثیر گؤستردیگی قید ائدیلدی.
بؤلگهدهکی یئر چؤکمهسی سویهسینین دونیانین ان یوکسک سویهسینده اولدوغونا دقت چکن بیلیم آداملاری، بونون سببینین آرتان اهالینین احتیاجلارینی قارشیلاماق اوچون اینشا ائدیلن سدلر، دؤنمسل قیتلیقلار و قاچاق سو قویولاری گندنی ایله یئر آلتی سولارینین توکهنمهیه اوز توتماسی اولدوغونو بیلدیردی.
یئرآلتی سو یاتاقلارینین باتما و چؤکوکلرله دولماسی سببیله یئنیلنمه ایمکانینین دا آرادان قالخدیغینا ایشاره ائدیلدی.
۱۵ میلیون اهالییه ائو صاحبلیگی ائدن تهران، آسیا قارهسینین ان بؤیوک متروپللاریندان بیریدیر.